დღის TOP10 საინტერესო ამბავი:
1. ააიპ-ების გაზრდილი დაფინანსება და ხელფასებში გადასახდელი ნახევარი ბიუჯეტი - მუნიციპალიტეტების 2022 წელი
ბიუჯეტის განახლებული ვერსია ხარჯების ზრდას ითვალისწინებს, კერძოდ, მთავრობის ასიგნებების მოცულობა 332 მილიონი ლარით, 19.17 მილიარდ ლარამდე იზრდება. 70 მლნ ლარით იზრდება საერთოსახელმწიფოებრივი მნიშვნელობის გადასახდელების მოცულობა, რაც ძირითადად გამოწვეულია ავტონომიური რესპუბლიკებისა და მუნიციპალიტეტებისთვის გადასაცემი ტრანსფერების 50 მლნ-იანი ზრდით.
2. იპოთეკის სუბსიდირებამ დეველოპერებისთვის მაშველი რგოლის ფუნქცია შეასრულა
სამშენებლო ბიზნესის წარმომადგენლები უძრავი ქონების ბაზრის ტენდენციას დადებითად აფასებენ. მიუხედავად იმისა, რომ სექტორში განხორციელებული ინვესტიციების მოცულობა პრაქტიკულად 0-ის დონეზეა, შედარებით მცირე და საშუალო დონის პროექტები, რაც 2020 წელს უნდა განხორციელებულიყო, სრულად შესრულდა.
3. გომბორის უღელტეხილზე გვირაბი აღარ აშენდება
ვაზიანი-გომბორი-თელავის კმ33-კმ59 მონაკვეთის სარეაბილიტაციო სამუშაოების საპროექტო დოკუმენტაციის მომზადების პროცესი მიმდინარეობს, რომლის ფარგლებშიც უღელტეხილზე გვირაბის მშენებლობა დაგეგმილი არ არის.
4. ჯანმო „ომიკრონის“ გავრცელების გამო სადღესასწაულო ღონისძიებების გაუქმების მოწოდებით გამოდის
ჯანდაცვის მსოფლიო ორგანიზაცია კორონავირუსის „ომიკრონ“ ვარიანტის გავრცელების ფონზე საზოგადოებას მოუწოდებს, სადღესასწაულო ღონისძიებები გააუქმონ.
5. ყოფილი „წმ. მიქაელის საავადმყოფოს“ ტერიტორიის აუქციონი 4-ჯერ ჩაიშალა
ყოფილი მიქაელის საავადმყოფოს აუქციონი 3 წელში 4-ჯერ ჩაიშალა. კულტურული მემკვიდრეობის ძეგლს მყიდველი ამ დრომდე არ გამოუჩნდა. მიუხედავად იმისა, რომ საქართველოს მთავრობა ობიექტის გასხვისებას „100 საინვესტიციო შეთავაზება ბიზნესს“ ფარგლებშიც შეეცადა, პროექტმა განსაკუთრებული ინტერესი ჯერჯერობით ვერც ქართველ და ვერც უცხოელ ინვესტორებში ვერ გამოიწვია.
6. ყველა პარამეტრის მიხედვით ექსპორტს 2019 წელის მონაცემებისთვის ჯერჯერობით არ მიუღწევია
საქართველომ ექსპორტზე პოზიციები ბოლო პერიოდში საკმაოდ გაიმყარა, მაგრამ პანდემიამდელ ნიშნულთან დაბრუნება ჯერჯერობით მაინც ჭირს. ტრადიცია გრძელდება და ექსპორტზე მოწინავე პოზიციას მძიმე მრეწველობა არ თმობს.
7. ბანკების მოგება ერთ თვეში 91,718 მლნ ლარით, გაცემული სესხების მოცულობა კი 690.98 მლნ ლარით გაიზარდა
2021 წლის ნოემბერში კომერციულმა ბანკებმა 209,206 მლნ ლარის წმინდა მოგება მიიღეს, რაც წინა წლის ანალოგიურ პერიოდთან შედარებით 124,725 მლნ ლარით მეტია. შარშან ნოემბერში ბანკების წმინდა მოგება 84,481 მლნ ლარი იყო. ამის შესახებ ინფორმაციას ეროვნული ბანკი აქვეყნებს.
8. სუბსიდირებული იპოთეკური სესხების პროგრამით უკვე 1005-მა ბენეფიციარმა ისარგებლა
სააგენტოს „აწარმოე საქართველოში“ სუბსიდირებული იპოთეკური სესხების პროგრამის ფარგლებში, დღეის მდგომარეობით, უკვე 1005-მა ბენეფიციარმა ისარგებლა. ამის შესახებ ინფორმაციას სააგენტო ავრცელებს.
9. „ფაიზერის“ ვაქცინის მარაგებს ვადა 31 მარტამდე აქვს
მოქალაქეებს, რომლებსაც „ფაიზერის“ ვაქცინით ბუსტერ-დოზის გაკეთება მომავალი წლის პირველი სამი თვის განმავლობაში უწევთ, აცრის პრობლემა არ შეექმნებათ, რადგან საქართველოს გააჩნია „ფაიზერის“ საკმარისი მარაგები, რომლებსაც ვადა 31 მარტამდე აქვთ.
10. „გაზპრომმა“ იამალი-ევროპის გაზსადენი რევერსულად ჩართო - საწვავის ფასი ისევ ავარდა
„გაზპრომმა“ იამალი-ევროპის გაზსადენით ტრანზიტი შეაჩერა და ამჟამად მილსადენში გაზი დასავლეთიდან აღმოსავლეთის მიმართულებით მიედინება. „გაზპრომმა“ 20 დეკემბერს არ დაჯავშნა დღეს გადასატუმბი სიმძლავრეები.
საინტერესო ამბები
