დღის TOP10 საინტერესო ამბავი:
1. ჯანდაცვის მინისტრის თანამდებობაზე ნინო ბერძული განიხილება
ჯანდაცვის მინისტრის ერთ-ერთი რეალურ კანდიდატად ნინო ბერძული განიხილება. ამის შეასხებ ,,კომერსანტისთვის“ კულუარული ინფორმაციიდან გახდა ცნობილი. წყარო გვეუბნება, რომ ბერძული ჯანდაცვის ყოფილმა მინისტრმა დავით სერგეენკომ წარადგინა.
2. ხალიკ ბანკი, იშ ბანკი, კრედო ბანკი - აქტივების წლიური ზრდის ტემპით ლიდერები შუალედური ბანკები არიან
საქართველოს საბანკო სექტორის აქტივების ზომა 59.6 მილიარდ ლარს შეადგენს. 2021 წლის ოქტომბერში სექტორის აქტივების ზომა წინა თვესთან შედარებით 1.03 მილიარდით, 59.6 მილიარდ ლარამდე გაიზარდა, რაც სექტორის ზომის რეკორდული მაჩვენებელია.
3. ლარი პოზიციებს სავარაუდოდ შუა თებერვლამდე შეინარჩუნებს - რა შეარყევს ქართულ ვალუტას გრძელვადიან პერიოდში
ეროვნული ვალუტა სტაბილურობას წინასაახალწლოდ და შემდგომ პერიოდშიც შეინარჩუნებს. როგორც საბანკო სფეროს სპეციალისტები აღნიშნავენ, კრიტიკული მომენტი ლარმა გადალახა ნოემბერ-დეკემბერში და ტრენდი იანვარშიც გარძელდება.
4. ოკუპირებულ აფხაზეთში ელექტროენერგიის მოხმარება შვეიცარიისა და ლუქსემბურგის მაჩვენებლებს აჭარბებს
გლობალურად ელექტროენერგიის მოხმარება ყოველწლიურად იზრდება. განვითარებად ქვეყნებში, მათ შორის საქართველოში, ზრდის ტემპი მსოფლიო საშუალოს აღემატება.
5. ბენზინთან ერთად ავტოგაზიც ძვირდება
ბენზინის გაძვირებას ბუნებრივი და თხევადი აირებიც მიჰყვა. ბოლო პერიოდის განმავლობაში მცირე ინტერვალებით მატულობს ფასი. ამ დროისთვის 1 კბ/მ ბუნებრივი გაზი 1,55 ლარი ღირს, ხოლო თხევადი აირის (LPG) ღირებულება 1,70 ლარია.
6. „ჩვენ არ ვნებდებით და ვაპირებთ ბრძოლას!“ - ღამის კლუბებმა ერთობლივი განცხადება გამოაქვეყნეს
ჩვენ არ ვნებდებით და ვაპირებთ ბრძოლას! — ასეთი გადაწყვეტილება მიიღეს საკლუბო სცენის წარმომადგენლებმა მას შემდეგ, რაც საკოორდინაციო საბჭომ მათ სცენების გახსნის ნებართვა არ მისცა.
7. ქართული ხასიათი - გამონაკლისი ქართული კომპანიის სარეკლამო რგოლებისთვის
როგორია შემოქმედებითი ინდუსტრია საქართველოში, რა შეიძლება ქართულმა შემოქმედებითმა ინდუსტრიამ ექსპორტზე გაიტანოს და რა არის რეკლამაში ყველაზე მნიშვნელოვანი — ამ და სხვა თემებზე სასაუბროდ რადიო კომერსანტის გადაცემაში “ბრენდი საქართველო“ პროგრამის ავტორმა და წამყვანმა ლევან კობერიძემ რეჟისორი გიორგი ებრალიძე მიიწვია.
8. სამეგრელოში მარწყვის ერთ-ერთი ყველაზე მსხვილი სათბური გათბობის გარეშეა
ზუგდიდის მუნიციპალიტეტის სოფელ ცაიშში სასათბურე მეურნეობა წელსაც ამინდზეა დამოკიდებული. აგრონომმა და მეწარმემ ნანა ფიფიამ გაზისა და თხილის ნაჭუჭის სათბობად გამოყენებაზე მაღალი ხარჯის გამო უარი თქვა.
9. სენსაციური მოლოდინი თურქეთში: დოლარი შესაძლოა 5-6 ლირამდე დავარდეს
აფონდო ბირჟის Ahlatçı Investment გენდირექტორის მოადგილემ ტონგუჩ ერბაშმა ტელეკომპანია A Haber-ის ეთერში დღეს, 23 დეკემბერს, სენსაციური განცხადება გააკეთა და თქვა, რომ წლის ბოლომდე დოლარი, შესაძლოა, 5-6 ლირამდე დავარდეს.
10. საქართველო-აზერბაიჯანი-ირანის სატრანზიტო დერეფანი სატესტო რეჟიმში ამუშავდა
ირანის, აზერბაიჯანისა და საქართველოს გავლით ახალი სატრანსპორტო დერეფანი სატესტო რეჟიმში ამოქმედდა, რომელიც სპარსეთის ყურეს შავ ზღვასთან აკავშირებს. ამის შესახებ ინფორმაციას აზერბაიჯანული სააგენტო Trend ავრცელრბს.