დღის TOP10 საინტერესო ამბავი:
1. „ეს სიფრთხილისკენ მიმართული ნაბიჯი ჩანს“ – „პაშა ბანკის“ გენერალური დირექტორი სებ-ის გადაწყვეტილებას აფასებს
უცხოურ ვალუტაში აღებული იპოთეკური სესხების მაქსიმალური დასაშვები ხანგრძლივობა 15 წლის ნაცვლად 10 წლით განისაზღრება. ამის შესახებ ეროვნული ბანკის ფინანსური სტაბილურობის კომიტეტის გადაწყვეტილებაში არის აღნიშნული.
2. საქართველოში კიდევ 78 კოვიდპაციენტი გარდაიცვალა, მსოფლიო დღიური ინფიცირების 1 მლნ-იან მაჩვენებელს უახლოვდება
საქართველო მსოფლიო ტენდენციას აცდენილია, თუ გასული წლის 23 დეკემბერს კოვიდით 51 ადამიანი გარდაიცვალა, წელს ეს რიცხვი 78-მდე გაიზარდა, მაშინ როცა ინფიცირების დღიური მაჩვენებელი 2345-დან 1976-მდე შემცირდა.
3. დაჩრდილავს თუ არა „აქსის თაუერსს“ „ყიფშიძის ბაღების“ მრავალფუნქციური კომპლექსი
ვაკეში, ყიფშიძის პირველ ნომერში მრავალფუნქციური კომპლექსი შენდება. „ყიფშიძის ბაღები“ — ასე ჰქვია მასშტაბური პროექტს, რომელსაც 11 000 კვ. მ.-ზე შპს „გუმბათი ჰოლდინგი +“ დედაქალაქის ცენტრში ახორციელებს.
4. 2021 წელს სოფლის მეურნეობაში ყველაზე დიდი მიღწევა საგარეო ვაჭრობას უკავშირდება
სპეციალისტების შეფასებით, 2021 წელს მაღალი ეკონომიკური ზრდა სოფლის მეურნეობაზეც წარმატებით აისახა და განსაკუთრებით აგრო პროდუქტების ექსპორტი წაახალისა.
5. კახა კალაძე - ტრანსპორტში ტარიფი არ ძვირდება - 250-ლარიან, ერთწლიან აბონემენტზე კი შეუძლიათ ბანკებს დაელაპარაკონ და განაწილება გაუკეთონ
„არ ძვირდება მეგობრებო, ტარიფი. ეს ასე რომ ყოფილიყო, ამას მოსახლეობას ვეტყოდი პირდაპირ. 250-ლარიან, ერთწლიან აბონემენტზე კი შეუძლიათ ბანკებს დაელაპარაკონ და განაწილება გაუკეთონ“, - ამის შესახებ დედაქალაქის მერმა კახა კალაძემ „იმედის“ ეთერში განაცხადა.
6. 5%-იანი ეკონომიკური ზრდა, 7% ინფლაცია და უცვლელი ლარის კურსი - სებ-ის 2022 წლის პროგნოზები
საქართველოს ეროვნულმა ბანკმა მაკროეკონომიკური საპროგნოზო სცენარები გამოქვეყნა, რომელთა მიხედვითაც საშუალოვადიან პერიოდში შეიძლება საქართველოს ეკონომიკა განვითარდეს.
7. მესამე კვარტალში, მშენებლობის ღირებულება წინა წლის შესაბამის კვარტალთან შედარებით 14.1 პროცენტით გაძვირდა
2021 წლის III კვარტალში, მშენებლობის ღირებულების ინდექსი წინა კვარტალთან შედარებით 1.8 პროცენტით გაიზარდა. ინფორმაციას საქსტატი ავრცელებს.
8. 2011-2020 წლების საარბიტრაჟო დავები გადასახადის გადამხდელებს 101 მლნ ლარი დაუჯდათ
2011-2021 წლებში საქართველოს სახელმწიფო სულ 22 საარბიტრაჟო დავაში იღებდა მონაწილეობას. სასამართლო განხილვები 2020 წლის ჩათვლით გადასახადის გადამხდელებს 101 მლნ ლარი დაუჯდათ.
9. ნაჯა ორაშვილის ინფორმაციით “ბასიანს“ ლუქავენ
კლუბ „ბასიანის“ დამფუძნებელი ნაჯა ორაშვილი სოციალურ ქსელში წერს რომ ამ ბასიანს ლუქავენ. მისი ინფორმაციით ლუქავენ სხვა კლუბებსაც. პოლიციას ან შრომის ინსპექციას ამ დრომდე ოფიციალური განცხადება არ გაუვრცელებიათ.
10. ჩინური ვაქცინით აცრილები მეორე ბუსტერის უფლებას მიიღებენ - სინოვაკის და სინოფარმის დაცვა „ომიკრონისგან“ ნულოვანია
ის ადამიანები, რომლებიც სინოვაკის ან სინოფარმის ვაქცინით ორჯერადად არიან აცრილები და ბუსტერ-დოზა გაკეთებული აქვთ, დიდი ალბათობით, მეოთხე დოზის გაკეთების უფლებასაც მიიღებენ. ამის შესახებ იმუნიზაციის საბჭოს წევრმა ბიძინა კულუმბეგოვმა განაცხადა.
საინტერესო ამბები
