დღის TOP10 საინტერესო ამბავი:

1. თავდაცვიდან ჯანდაცვაში - პრემიერმა ახალი მინისტრი წარადგინა

ჯანდაცვის მინისტრად პრემიერ-მინისტრმა ზურაბ აზარაშვილის კანდიდატურა წარადგინა. ზურაბ აზარაშვილი ამ დრომდე თავდაცვის მინისტრის მოადგილის თანამდებობას იკავებდა.

2. „ქართული ბანკები თამამად შეგვიძლია შევადაროთ განვითარებული ქვეყნების ბანკებს“ - ინტერვიუ „პაშა ბანკის“ გენერალურ დირექტორთან

2021 წლის მთვარი მიღწევების, სამომავლო გეგმების, საქართველოს საბანკო სექტორში არსებული გამოწვევებისა და სხვა საინტერესო თემების შესახებ „კომერსანტთან“ ბლიც-ინტერვიუში „პაშა ბანკი საქართველოს“ გენერალურმა დირექტორმა ნიკოლოზ შურღაიამ ისაუბრა.

3. ჰეჯირება, სავალუტო ფორვარდები და ლარში აღებული სესხი - გვენეტაძის რჩევა ბიზნესმენებს

ყოველთვის, როდესაც სავალუტო რისკებზე არის საუბარი, ძალიან მნიშვნელოვანია ის, თუ რა ვალუტაში ხდება სესხის აღება, გარდა ამისა არსებობს ჰეჯირების ელემენტები, ფორვარდები და სხვა - ასეთ რჩევებს აძლევს ეროვნული ბანკის პრეზიდენტი კობა გვენეტაძე ბიზნესმენებს სავალუტო რყევებისგან თავის დასაცავად.

4. 2021 წელს ავტომობილები 20%-ით გაძვირდა

საავტომობილო ბიზნესისთვის 2021 წელი მრავალმხრივ საინტერესო აღმოჩნდა. გარდა იმისა, რომ მანქანები გაძვირდა, წამყვანი ქართული ავტო კომპანიების გაყიდვები გააქტიურდა და გლობალურ ბაზრებზეც პოზიციები გაიუმჯობესეს.

5. „თბილისი ენერჯი“ უსაფრთხოების ზომებს ამკაცრებს - CO-თი ხალხი მაინც იწამლება. სად არის გამოსავალი?

მართალია, ,,თბილისი ენერჯის“ ტექნიკური სამსახური ირწმუნება, რომ უსაფრთხოების მიმართულებით ზომები გამკაცრებულია, ამას ადასტურებს ენერგოომბუდსმენიც, თუმცა სპეციალისტების ნაწილი საწინააღმდეგოს ამტკიცებს.

6. მეწარმეების ხელშემწყობი საპილოტე პროგრამა 4 რეგიონში განხორციელდება

მთავრობა 2022 წლიდან მცირე და საშუალო მეწარმეობის ხელშეწყობის მიზნით ახალ პროგრამას დაიწყებს. სოფლის მეურნეობის მინისტრის ლევან დავითაშვილის განცხადებით, ევროკავშირთან ერთად 4 საპილოტე რეგიონია შერჩეული, ესენია: იმერეთი, კახეთი, გურია და რაჭა-ლეჩხუმი ქვემო სვანეთი.

7. 7-ჯერ შეცვლილი ხელშეკრულების მიუხედავად მეტროსადგურ „ავლაბარს“ არქიტექტურული დიზაინის პროექტი არ აქვს

2020 წელს თბილისის მერიამ მეტროსადგურ „ავლაბრის“ რეაბილიტაცია გადაწყვიტა. ამავე წლის ივნისში  „თბილისის სატრანსპორტო კომპანიამ“ მეტროსადგურის არქიტექტურული და ინტერიერ-ექსტერიერის დიზაინის პროექტის შედგენაზე ტენდერი გამოაცხადა.

8. კომპანიების 43% თანამშრომელთა სამუშაო საათებს არ აღრიცხავს

შემოწმებული ობიექტების 43% თანამშრომელთა სამუშაო საათებს არ აღრიცხავს. ამის შესახებ „ბიზნესპრესნიუსისთვის“ შრომის ინსპექციის მიერ მოწოდებული ინფორმაციიდან ირკვევა.

9. საბიუჯეტო ორგანიზაციებს საწვავს „ვისოლი“, „რომპეტროლი“, „სოკარი“ და „გალფი“ მიაწვდიან

საბიუჯეტო ორგანიზაციები საწვავს 2022 წელს სხვადასხვა მიმწოდებლისგან შეიძენენ. ლოტების მიხედვით, საწვავის კონსოლიდირებულ ტენდერს 4 გამარჯვებული კომპანია ჰყავს. სწორედ ამ კომპანიებიდან მოხდება საწვავის შეძენა.

10. ანტიბიოტიკების არაადეკვატური მოხმარება და რეანიმაციების დაფინანსების შემცირება – ჰოსპიტალური ინფექციების გავრცელების მიზეზი

ჰოსპიტალური ინფექციების გავრცელება არა მარტო საქართველოს, არამედ სხვა, მათ შორის განვითარებული ქვეყნების პრობლემაა და ის მხოლოდ ჰოსპიტალში ინფექციების კონტროლის დონეზე არაა დამოკიდებული. მთავარი პრობლემა ამ კუთხით ანტიბიოტიკების არარაციონალური გამოყენების შედეგად მათ მიმართ მოსახლეობაში ჩამოყალიბებული რეზისტენტობაა – ანუ მდგომარეობა, როდესაც ანტიბიოტიკი აღარ მუშაობს და ინფექციას ვერ ერევა.