დღის TOP10 საინტერესო ამბავი:
1. საქართველო 2021 წლის მსოფლიო რეიტინგებში
2021 წელს, პანდემიის და მსოფლიო ეკონომიკური კრიზისის მიუხედავად, საქართველოს პოზიცია სხვადასხვა საერთაშორისო რეიტინგებში ძირითადად მცირედით უმჯობესდებოდა, ან იგივე რჩებოდა.
2. საახალწლოდ Inn Group-ის სასტუმროები 100%-ით დატვირთულია
კომპანია Inn Group საახალწლო სეზონს სრული ჯავშნებით ხვდება. კომპანიის აღმასრულებელი დირექტორის ერეკლე კოკაიას ინფორმაციით, 2022 წელს მზარდ ტენდენციას თუკი შეინარჩუნებენ, სექტორი სრულად აღიდგენს ძალებს.
3. 2021 წლის უმნიშვნელოვანესი გლობალური მოვლენები
მარსზე დაშვებული ახალი თაობის ზონდი პერსევერანსი, ერთწლიანი დაგვიანებით ჩატარებული ევროპის ჩემპიონატი და ოლიმპიური თამაშები, მილიარდერების სუბორბიტარულ ზონაში გასეირნება, ავღანეთში თალიბანის დაბრუნება, პლანეტის მოსახლეობის ნახევრის კოვიდის საწინააღმდეგო ვაქცინით აცრა და რაღა თქმა უნდა 13-ჯერ გადადების შემდეგ ჯეიმს ვების ტელესკოპის გაშვება... ეს იმ მნიშვნელოვან მოვლენათა არასრული ჩამონათვალია, რითაც 2021 შეიძლება დაგვახსომდეს.
4. როგორია ქართული გემო - ქართული სამზარეულოს როლი ქვეყნის ბრენდინგში
როგორია ქართული გემო და რა როლი აქვს ქართულ სამზარეულოს ქვეყნის ბრენდინგში, ამ და სხვა თემებზე სასაუბროდ ლევან კობერიძემ რადიო „კომერსანტში“ თავის საავტორო გადაცემაში “ბრენდი საქართველო“ კვების დაწესებულებების ბიზნესსაკონსულტაციო სააგენტო Gastronaut-ის თანადამფუძნებელი ლევან ქოქიაშვილი მიიწვია.
5. მეტროსადგურ „ავლაბრის“ მიმდებარე პარკინგზე სავაჭრო ცენტრი აშენდება
თბილისში, ავლაბრის მეტროს გვერდით სავაჭრო ცენტრი აშენდება. ტერიტორიაზე, სადაც დღეს ავტომობილების პარკინგია, მრავალფუნქციური კომპლექსის მოწყობა იგეგმება.
6. კოვიდინფიცირების დღიური შემთხვევების რაოდენობამ 1.6 მლნ-ს გადააჭარბა
ომიკრონის შტამის გამო მსოფლიოში კოვიდინფიცირების დღიური მაჩვენებელი ასტრონომიული სიჩქარით იზრდება. 29 დეკემბერს ინფიცირების 1.6 მლნ ახალი შემთხვევა გამოვლინდა, იმდენივე რაც შარშან პანდემიის დაწყებიდან 8 აპრილამდე.
7. ბედნიერების ინდექსში საქართველო რეგიონში ბოლო ადგილზეა
საქართველო ბედნიერების ინდექსში მეზობელ ქვეყნებს ჩამორჩება. კერძოდ, ინდექსის მიხედვით ირკვევა, რომ რეგიონში საქართველოს ყველაზე ნაკლებად ბედნიერი მოქალაქეები ჰყავს. გაეროს მსოფლიო ბედნიერების 2021 წლის ანგარიშის თანახმად ბედნიერების ინდექსით 150 სახელმწიფოს შორის საქართველო 108-ე ადგილზეა.
8. Bloomberg Economics-მა 2022 წლის მთავარი ეკონომიკური რისკები დაასახელა
საბაზო სცენარებში ანალიტიკოსები ეკონომიკის მდგრად აღდგენას, ფასების ზრდის შეჩერებას და ცენტრალური ბანკების მიერ მონეტარული პოლიტიკის შერბილებას ელიან. თუმცა, ბოლო წლების გამოცდილებამ ცხადჰყო, რომ რეალობა შესაძლოა პროგნოზისგან განსხვავდებოდეს.
9. Handesblatt: გერმანიას უკრაინის გაყინვა არ სურს
ბოლო პერიოდში, უკრაინასთან მწვავე კონფრონტაციის გამო, ევროკავშირის რუსეთს მკაცრი, მათ შორის ეკონომიკური და ენერგეტიკული სანქციებით ემუქრება, თუმცა, ისმის კითხვა - აქვს კი ევროპას დღეს ამის ფუფუნება?
10. ბილ გეითსის 7 პროგნოზი - რა მოხდება 2022 წელს
1. ბილ გეითსის აზრით, 2022 წელს კორონავირუსის პანდემიის მწვავე ფაზა დასრულდება, იმის მიუხედავად, რომ ახალი შტამი „ომიკრონი“ სწრაფად ვრცელდება და დელტას სულ მალე ჩაანაცვლებს.
საინტერესო ამბები
