დღის TOP10 საინტერესო ამბავი:

1. 71%-ით გაზრდილი ხელფასები და სალიკვიდაციო ა(ა)იპ-ებში დახარჯული 62 მლნ ლარი

2014–2019 წლებში მუნიციპალიტეტებში დასაქმებულთა რაოდენობა დაუსაბუთებლად არის გაზრდილი. გარდა ამისა, მუნიციპალიტეტებმა 61.5 მლნ ლარი დახარჯეს ა(ა)იპ-ებში, რომლებიც შემდეგ გაუქმდა.

2. რატომ ვერ გაიაფდება მედიკამენტები - რა ხარვეზია ღარიბაშვილის ინიციატივაში

ანდაცვის სფეროს სპეციალისტების განცხადებით, პრობლემა არა წამლის ფასი, არამედ მონოპოლიური ბაზარია, რის გამოც საქართველოში მედიკამენტები არ იაფდება. ამ თვალსაზრისით, პრემიერ-მინისტრ ირაკლი ღარიბაშვილის ინიციატივას სპეციალისტები ეჭვქვეშ აყენებენ.

3. ამერიკა და რუსეთი ვერ შეთანხმდნენ

ჟენევაში ჩატარდა პირველი ამერიკულ-რუსული მოლაპარაკებები უსაფრთხოების გარანტიების საკითხებზე, თუმცა, შეხვედრა უშედეგოდ დასრულდა.

4. გაზსაცავის მშენებლობა ელენერგიის იმპორტს დაახლოებით 70%-ით შეამცირებს

საქართველოში გაზსაცავის პროექტის განხორციელებით ენერგეტიკოსები დიდ სარგებელს ელიან. ამ ინფრასტრუქტურის შექმნა ქვეყანას შესაძლებლობას მისცემს, დარეგულირდეს ქართულ ბაზარზე გაზის მიწოდება, ყოველ შემთხვევაში, გარკვეული მარაგი შეიქმნება.

5. თბილისელი პენსიონერები მედიკამენტების 500-ლარიან ვაუჩერებს დღეიდან მიიღებენ

მიმდინარე წლის ერთ-ერთი პირველი პროგრამა, რომელიც დღეიდან ამოქმედდება, მედიკამენტების 500-ლარიანი ვაუჩერების პროგრამაა, - ამის შესახებ დედაქალაქის მერმა, კახა კალაძემ მუნიციპალიტეტის მთავრობის დღევანდელ სხდომაზე განაცხადა.

6. როგორ არ უნდა დარჩეს მთავრობისეული „ბიზნესის მხარდაჭერა“ მხოლოდ გზავნილად

მთავრობის მეთაურის განცხადებას, რომ ბიზნესის საქმიანობას მაქსიმალურად შეეწყოს ხელი და ბარიერები მოიხსნას, სპეციალისტების ნაწილი სკეპტიკურად აფასებს. ექსპერტები თვლიან, რომ  ბიზნესი არასწორად ვითარდება.

7. კახა კალაძე: მიკროავტობუსების სრულად ჩანაცვლების დაპირება შესრულებულია

თბილისის მერის, კახა კალაძის განცხადებით, მისი ერთ-ერთი წინასაარჩევნო დაპირება, რომელიც მიკროავტობუსების სრულად ჩანაცვლებას ეხებოდა, შესრულებულია.

8. ე.წ. სამხედრო ქალაქში პარკი მოეწყობა

ე.წ სამხედრო ქალაქში პარკი მოეწყობა. დედაქალის მერიამ არსებული ტერიტორიის რეკრეაციულ სივრცედ განვითარების საპროექტო დოკუმენტაციის მომზადებაზე ტენდერი უკვე გამოაცხადა.

9. მერიამ მეტეხის ხიდის რეაბილიტაციისთვის ტენდერი გამოაცხადა

თბილისის მერია მეტეხის ხიდის რეაბილიტაციას იწყებს. დედაქალაქის მთავრობამ 1 650 168 ლარის ღირებულების ტენდერი უკვე გამოაცხადა. წინადადებების მიღება რამდენიმე საათში დასრულდება, სწორედ ამის შემდეგ გახდება ცნობილი, თუ რომელი კომპანია დაიწყებს ისტორიული ხიდის რეაბილიტაციას.

10. საქართველო, უკრაინა, ბელარუსი, ყაზახეთი... რომელი იქნება შემდეგი?

ყაზახეთში სიტუაცია შედარებით დასტაბილურდა, მაგრამ ცხოვრების ჩვეულებრივი ტემპი ჯერ არ აღდგენილა. 11 იანვრის მდგომარეობით 164 ადამიანია მოკლული. 300-ზე მეტი დაჭრილი და 10 000-მდე დაკავებული.