დღის TOP10 საინტერესო ამბავი:
1. ხაზარაძე, ჯაფარიძე და წერეთელი სასამართლომ დამნაშავედ ცნო, თუმცა საპატიმრო სასჯელისგან გაათავისუფლა
სასამართლომ მამუკა ხაზარაძე, ავთანდილ წერეთელი და ბადრი ჯაფარიძე დამნაშავედ ცნო და 7 წლის ვადით თავისუფლების აღკვეთა შეუფარდა, თუმცა დევნის ხანდაზმულობის გამო სისხლის სამართლებრივი პასუხისმგებლობისგან გაათავისუფლა.
2. მილიონიანი ტენდერი, გასაიდუმლოებული კვლევა და არარეალურ ინვესტორებთან მოლაპარაკებები - ანაკლიის პორტის გეგმები
ანაკლიის ღრმაწყლოვანი ნავსადგურის განვითარების სააგენტომ 1 მილიონი ლარის ღირებულების გამარტივებული შესყიდვა გამოაცხადა. უწყება, რომელიც ეკონომიკისა და მდგრადი განვითარების სამინისტროს ექვემდებარება, ანაკლიის ღრმაწყლოვანი ნავსადგურის პროექტის ახალი ტენდერის მოსამზადებლად შესაბამისი ტექნიკურ-ეკონომიკური კვლევების განახლებასა და სხვადასხვა ტიპის მომსახურებების შესყიდვას გეგმავს.
3. გაძვირდება თუ არა პური - ფასის შენარჩუნების ყველა რესურსი თითქმის ამოიწურა
თბილისსა და რეგიონებში პურის ფასი მწარმოებლებს ფაქტობრივად ხელოვნურად უჭირავთ. ამის მიზეზი ხორბლის გაძვირებასთან ერთად, ენერგომატარებლების გაზრდილი ტარიფებია, რასაც ბიზნესი უკვე რთულად უმკლავდება.
4. კოვიდ დადებითი მძღოლის გამო ტენდერში გამარჯვებული კომპანია შავი სიაში მოხვდა
კორონავირუსის გავრცელების შედეგად საქართველოს ეკონომიკას დიდი ზარალი მიადგა, 2020-21 წლებში მნიშვნელოვანი გამოწვევების წინაშე აღმოჩნდა ბიზნესიც. საქართველოს მთავრობის მიერ გადადმული ნაბიჯებით კერძო სეტორმა ეკონომიკური მაჩვენებლები გამოსწორდა, თუმცა დაწესებული შეღავათები ყველა ბიზნეს ოპერატორის არ შეხებია.
5. ბაკურიანშიც და გუდაურშიც Inn group-ის სასტუმროები 100%-იანი დატვირთვით მუშაობს
გასული ზამთრის თითქმის ჩავარდნილი ტურისტული სეზონის შემდეგ 2021–2022 წლების სეზონზე მთის კურორტებზე მაღალი აქტივობა შეინიშნება. „კომერსანტს“ „ინნ ჯგუფის“ PR-ისა და მარკეტინგის ხელმძღვანელმა ლანა ბლიაძემ უთხრა, რომ როგორც “ბაკურიანი ინნ“ , ასევე “გუდაური ინნ“ სეზონზე სრული დატვირთვით მუშაობს.
6. საქართველოში აზარტული თამაშების არალეგალური საიტების გამოჩენის საფრთხე დგება
ფინანსისტების განცხადებით, სათამაშო ინდუსტრიისთვის დაწესებული აკრძალვები ბიზნესის ნაწილს ჩრდილში გადაიტანს. გარდა იმისა, რომ ქართველი მოთამაშეები უცხო ქვეყნების სახელით ითამაშებენ, დიდი საფრთხეა, რომ არალეგალური საიტები მომრავლდეს.
7. “ბილაინი“ სტანდარტულ სასაუბრო ტარიფს აძვირებს
„ბილაინის“ აბონენტებისთვის სტანდარტული ტარიფის პირობებში ცვლილება შედის. 7 თებერვლიდან 1 წუთის ღირებულება ყველა ადგილობრივ ქსელთან სასაუბროდ 4 თეთრით, 14 თეთრამდე იზრდება.
8. მსოფლიო ეკონომიკის აღდგენას ვალი, ინფლაცია და გლობალური უთანასწორობა შეაფერხებს - საქართველოს ეკონომიკა 5-5,5%-ით გაიზრდება
მსოფლიო ბანკი პანდემიის პირობებში გლობალური ეკონომიკის აღდგენის მხრივ, თავის ახალ განგარიშში 3 ძირითად დაბრკოლებას ასახელებს. ბანკის ანალიტიკოსების აზრით, ეს დაბრკოლებებია ვალი, ინფლაცია და გლობალური უთანასწორობა.
9. თხილის მოსავლის თითქმის 70% ექსპორტირებულია
2021 წელი თხილის ექსპორტისთვის მეტნაკლებად სტაბილური აღმოჩნდა. ამ დროისთვის მოსავლის დაახლოებით 60-70% ექსპორტირებულია და პროდუქტი სრულად მიმდინარე წლის პირველ კვარტალში გაიყიდება.
10. საქართველოში პროცენტულად ყველაზე მეტი აცრილი 70-74 ასაკობრივ ჯგუფშია
ომიკრონის შტამს საქართველო მოუმზადებელი ხვდება. 12 იანვრის მონაცემებით 2 დოზით 1,179 მლნ ადამიანია აცრილი, სრული მოსახლეობის 31.9%, ბუსტერ დოზით კი მხოლოდ 86 ათასი (9 იანვრის მდგომარეობით) - მოსახლეობის 3.2%.