დღის TOP10 საინტერესო ამბავი:
1. მმართველი პარტიის მხარდაჭერთა 51% ფიქრობს, რომ ბოლო 10 წელიწადში სიღარიბე გაიზარდა
NDI-ის კვლევის თანახმად საქართველოში მოსახლეობისთვის ყველაზე დიდ პრობლემად სიღარიბე სახელდება. მმართველი პარტიის მხარდამჭერთა 51%-იც აღიარებს, რომ ამ მიმართულებით ბოლო 10 წელიწადში მდგომარეობა გაუარესდა.
2. მომატებულმა ინფიცირების მაჩვენებელმა ჯანმრთელობის დაზღვევის ზარალიანობა რამდენიმე მილიონით გაიზარდა
„ჯიპიაი ჰოლდინგი“-ს საზოგადოებასთან ურთიერთობის მენეჯერი თამთა ყიფიანი აცხადებს, რომ ასეთი მაღალი მომართვიანობა არცერთი შტამის დროს დაფიქსირებულა. მისი თქმით, კომპანია ყოველდღიურად ამატებს ოჯახის ექიმებს, რათა ყველა დაზღვეულის მომსახურება შეძლონ.
3. რუსეთ-უკრაინის დაძაბულობა საქართველოში იმპორტსა და ფულად გზავნილებზე აისახება
უკრაინაში მიმდინარე მოვლენები და მოსალოდნელი ომი საქართველოს სავაჭრო-ეკონომიკურ ურთიერთობებს უკრაინასა და რუსეთთან სერიოზულად დააზარალებს.
4. „მოსახლეობას უნდა ვთხოვოთ, თავად შეიზღუდონ გეგმური ამბულატორიული მომსახურების ჩატარება“ – სადაზღვევო კომპანიები დატვირთვის ზღვარზე
სადაზღვევო ასოაციაციაში განმარტავენ, რომ თუ ინფიცირების მაჩვენებლის ზრდა გაგრძელდა, შესაძლოა რეგულაციის მიღება სამინისტროს მხრიდან საჭირო გახდეს და ამბულატორიულ სერვისები ქვეყანაში დროებით შეჩერდეს.
5. NDI: გამოკითხულთა უმრავლესობისთვის სიღარიბე #1 პრობლემაა
NDI-ის კვლევის თანახმად საქართველოში მოსახლეობისთვის ყველაზე დიდ პრობლემად ეკონომიკური გაჭირვება სახელდება, რასაც ტერიტორიული მთლიანობა და განათლების ხარისხით უკმაყოფილება მოსდევს.
6. „თავისი თავხედური ულტიმატუმით დასავლეთისთვის ნასროლი ბურთი პუტინს უკან დაუბრუნდა“ - კახა ლომაია
„თავისი თავხედური ულტიმატუმით დასავლეთისთვის ნასროლი ბურთი პუტინს უკან დაუბრუნდა. ზოგიერთი დამკვირვებლის აზრით, ის რაც პუტინს უკან დაუბრუნდა, ბუმერანგს უფრო ჰგავს.
ასე თუ ისე, წრე შეიკრა“, — წერს კახა ლომაია.
7. „რეფორმერ ფიტნესი“ რეგულაციებზე უარს ამბობს - დარბაზში შესვლა „მწვანე პასპორტის“ გარეშეა შესაძლებელი
მიუხედავად იმისა, რომ სპორტ-დარბაზებში შესვლა „მწვანე პასპორტის“ გარეშე აკრძალულია, „რეფორმერ ფიტნესში“ ეს შეზღუდვა არ მოქმედებს.
8. Charles Rullo - ქართული ოთხნახადი ჭაჭა შავი სტაფილოს არომატით და ფერით
Charles Rullo (ჩაკ რულო), იგივე ჩაკი, ქართულ ბაზარზე პანდემიურ პერიოდში გამოჩნდა და მალევე მიიქცია ყურადღება. ჭაჭის ქართული ბრენდი სულ 1 წელია, დახლებზეა, მაგრამ მომხმარებელთა საკმაოდ ფართო წრე შეკრა და ბოლო დროის ერთ-ერთი მოთხოვნადი და პოპულარული სასმელია.
9. მსოფლიოში TOP5 უძვირესი ბრენდიდან ყველა ამერიკულია
სულ სიაშია 500 ბრენდია და ყველაზე ძვირი ბრენდების ხუთეული მთლიანად ამერიკულია - მასში შევიდნენ Apple ($355 მლრდ. +35%), Amazon ($350 მლრდ.,, +37%), Google ( $263 მლრდ +37%), Microsoft ($184 მლრდ, +31%), და მსოფლიოს უმსხვილესი სავაჭრო ქსელი, ამერიკული Walmart ($112 მლრდ. +20,5%).
10. Washington post: ამერიკული გაზი ევროპას ვერ უშველის
მაშინ, როდესაც რუსეთის არმია უკრაინის საზღვართან თავს იყრის, მოსკოვმა ევროპას გაზის მიწოდება შეუმცირა. რუსეთიდან მიწოდებული საწვავი ჯერ საკმარისია ელექტროსადგურების მუშაობისთვის და სახლების გათბობისთვის, მაგრამ არა იმისთვის, რომ გაზზე ფასის ზრდა შეაჩეროს.
საინტერესო ამბები
