დღის TOP10 საინტერესო ამბავი:
1. „საინვესტიციო პოლიტიკის დოკუმენტი - ნაწილობრივ კარგია, ნაწილობრივ ორიგინალური, თუმცა...“
2022 წლის იანვრის ანგარიშის მიხედვით, საპენსიო ფონდის აქტივების წმინდა ღირებულება 2 მილიარდ 63 მილიონ ლარს შეადგენს. ფონდის წმინდა ამონაგები 2019 წლიდან 2022 წლის იანვრის ჩათვლით 32.37%-ია, ხოლო რეალურმა ამონაგებმა (ინფლაციის გათვალისწინებით) იმავე პერიოდში 4.84% შეადგინა.
2. ხორბალი იაფდება - რუსეთს მარცვლეული ჩაუწვა
სურსათის გლობალური გაძვირების ფონზე ხორბალი ჯერჯერობით იმ პროდუქტების უიშვიათეს რიგს მიეკუთვნება, რომელიც იაფდება. ამის მიზეზი რუსეთ-უკრაინის კონფლიქტია, რის გამოც საზღვაო აკვატორიაში ტვირთების გადაზიდვა თითქმის შეჩერებულია.
3. „საქართველოს სახელმწიფო ელექტროსისტემას“ ახალი ხელმძღვანელი ჰყავს - „კომერსანტის“ ინფორმაცია დადასტურდა
„საქართველოს სახელმწიფო ელექტროსისტემას“ ახალი ხელმძღვანელი ჰყავს. ეკონომიკისა და მდგრადი განვითარების მინისტრის მოადგილემ რომეო მიქაუტაძემ სსე-ის ახალი ხელმძღვანელი გიორგი გიგინეიშვილი წარადგინა.
4. შემცირებული ფასი და საინვესტიციო ვალდებულებები - ყოფილი წმ. მიქაელის საავადმყოფო 60%-იანი ფასდაკლებით იყიდება
საქართველოს მთავრობა ყოფილი წმ. მიქაელის სახელობის საავადმყოფოს გაყიდვას მეხუთედ ცდილობს. კულტურული მემკვიდრეობის ძეგლი ამჯერად 60 პროცენტიანი ფასდაკლებით 16 მლნ ლარად იყიდება.
5. „წილი ნაყარია. ჭეშმარიტების მომენტი დადგა. ყველაფერი ახლა იწყება“ – კახა ლომაია უკრაინის თემაზე ვრცელ პოსტს აქვეყნებს
საქართველოს უშიშროების საბჭოს ყოფილი მდივანი ალექსანდრე (კახა) ლომაია რუსეთ–უკრაინის კონფლიქტის და ზოგადად ამ ფონზე შექმნილ გლობალურ გეოპოლიტიკურ ძვრებს აანალიზებს ვრცელ პოსტში, რომელიც ფეისბუქზე გამოაქვეყნა.
6. უკრაინა საგანგებო მდგომარეობას აცხადებს
უკრაინაში, ქვეყნის მთელს ტერიტორიაზე, ოკუპირებული რეგიონების გარდა უსაფრთხოების საბჭომ 30 დღით საგანგებო მდგომარეობის გამოცხადება დაუჭირა მხარი, გადაწყვეტილების ძალაში შესასვლელად რადას თანხმობაა საჭირო.
7. უკრაინა მოსახლეობისთვის ცეცხლსასროლი იარაღის ლეგალიზებას გეგმავს
უკრაინა მოსახლეობისთვის ცეცხლსასროლი იარაღის ლეგალიზებას გეგმავს. რადა კანონპროექტს დაჩქარებული წესით განიხილავს. ინიციატივას მხარს თავდაცვის მინისტრი ალექსეი რეზნიკოვიც უჭერს.
8. 1–ლი მარტიდან სათამაშო ბიზნესი შემოსავლის 20-25%–ს დაკარგავს და 3500-დან 5000–მდე თანაშმრომელს დაითხოვს
„უკვე შეინიშნება ექაუნთების ანუ პირადი ანგარიშების გაქირავების შემთხვევები, ასევე გამოჩნდნენ ე.წ. ხელზე მაზავშიკები, ისევე როგორც ეს საქართველოში 20-25 წლის წინ ხდებოდა და ქვეყანა უკონტროლო აზარტულ თამაშებში იყო ჩართული“.
9. მეტროსადგურ „ვარკეთილის“ რეაბილიტაციის ტენდერი ჩაიშალა
ოთხი წლის წინ ჩამონგრეული მეტროსადგურ „ვარკეთილის“ რეაბილიტაცია გადავადდა. 18 იანვარს გამოცხადებული ტენდერი ჩაიშალა. 7 057 389 ლარის ღირებულების სახელმწიფო შესყიდვა არ შედგა.
10. ნახევარ მილიარდიანი ხანძარი – ატლანტიკის ოკეანეში ათასობით Bentley და Lamborghini იწვის
სატვირთო ხომალდზე Felicity Ace, რომელსაც თითქმის 4 000 ერთეული ძვირფასი ავტომობილი გადაჰქონდა გერმანიიდან აშშ–ში, ხანძარი რამდენიმე დღე მძვინვარებდა. დამწვარი ავტომობილების ფასმა შეიძლება $500 მლნ–ს მიაღწიოს.
საინტერესო ამბები
