დღის TOP10 საინტერესო ამბავი:
1. დღევანდელი ჯანდაცვის სისტემა ძალიან არაეფექტურია - არდი
2021 წლის განმავლობაში საქართველოს სადაზღვევო სექტორის მიერ მოზიდულმა პრემიამ პირდაპირი დაზღვევის საქმიანობიდან 772,7 მილიონი ლარი შეადგინა, საიდანაც სამედიცინო (ჯანმრთელობის) დაზღვევის სახეობაში მოზიდული პრემია მხოლოდ 305,5 მლნ. ლარი იყო.
2. რაჭის ტყეებთან დაკავშირებით ბიზნესმენი დავით ხიდაშელი განცხადებას ავრცელებს
„4 წლის განმავლობაში მივმართავდი საქართველოს მთავრობას ამ საკითხთან დაკავშირებით, რადგან საქართველოში არსებობს 20-მდე სანადირო მეურნეობა და არც ერთი არ არის მიმართული მოსახლეობისა და ტურისტების სარგებლობისთვის“.
3. საბანკო სექტორი წელს 10%-იან ზრდას გეგმავს - ასოციაცია
2022 წლის I კვარტალში საქართველოში მოქმედმა 14-მა კომერციულმა ბანკმა 413,5 მლნ ლარის წმინდა მოგება მიიღო, რაც წინა წლის ანალოგიურ პერიოდთან შედარებით 2.5 მილიონი ლარით მეტია.
4. მარტში ქართული ბანკების აქტივები 61,79 მილიარდამდე გაიზარდა, რაც მშპ-ის 95%-ია
2022 წლის მარტის მდგომარეობით, საქართველოში მოქმედი 14 კომერციული ბანკის ჯამურმა აქტივებმა 61,79 მილიარდი ლარი შეადგინა. ეროვნული ბანკის მონაცემებით, მარტში, წინა თვესთან შედარებით, ბანკების აქტივები 98 მლნ ლარით გაიზარდა.
5. 21-წლამდელთა ევროპის ჩემპიონატისთვის საფეხბურთო ინფრასტრუქტურის მოსამზადებლად საქართველო 100 მლნ ლარს დახარჯავს
საქართველოს პრემიერ-მინისტრ ირაკლი ღარიბაშვილის ხელმძღვანელობით 26 აპრილს გამართულ მთავრობის სხდომაზე 6 საკითხი განიხილეს, რომელთაგან ერთ–ერთი უეფას 21-წლამდე ევროპის ჩემპიონატის საქართველოში ღირსეულად ჩასატარებლად, „სპორტული ინფრასტრუქტურის განვითარების პროგრამის ფარგლებში, თბილისში, საგურამოში, ქუთაისში, წყალტუბოში, ქობულეთსა და ბათუმში, სპორტული ინფრასტრუქტურის რეაბილიტაცია-მოწყობას გულისხმობს.
6. რა კეთდება მეტროსადგურ „ვარკეთილის“ მიმდებარე ტერიტორიაზე?
მეტროსადგურ „ვარკეთილის“ მიმდებარე ტერიტორიაზე უკვე ძალიან დიდი ხანია, რაც საცობი, მოუწესრიგებელი ინფრასტრუქტურა, ხმაური და მტვერი ყოველდღიურობა გახდა. თუმცა, რამდენიმე თვის წინ თბილისის მერმა კახა კალაძემ განაცხადა, რომ აღნიშნული ტერიტორია ერთ-ერთი მოწესრიგებული და გალამაზებული სივრცე გახდება.
7. საქართველოდან ექსპორტი უკრაინაში 93.1%-ით, ხოლო რუსეთში 55.8%-ით შემცირდა - TBC Capital
მარტში ნავთობისა და იმპორტის სხვა კატეგორიების ფასების ზრდასთან ერთად, მოლოდინების შესაბამისად, ექსპორტის ფასებიც გაიზარდა. მართალია უკრაინასა (წ/წ -93.1%) და რუსეთში (წ/წ -55.8%) ექსპორტი მკვეთრად შემცირდა, თუმცა სხვა ქვეყნების ხარჯზე მაინც მაღალი - აშშ დოლარში 26.3%-იანი მატება დაფიქსირდა.
8. საქართველოში დასვენების მსურველთა უმეტესობა ისრაელიდანაა
ტურიზმის სფეროს ექსპერტ მანანა ალადაშვილის ვარაუდით, ზაფხულის ტურიზმს ჩავარდნა არ ემუქრება, თუმცა გარკვეული პრობლემა მოსალოდნელია ევროპული ნაკადების მკვეთრი კლების გამო.
9. თურქეთის საკურორტო სასტუმროებიდან შესაძლოა რუსები გამოასახლონ
თურქეთის სასტუმროებმა მიმდინარე სეზონზე შესაძლოა მთლიანად გააუქმონ რუსი ტურისტების ჯავშნები. ასეთი მოთხოვნა ოტელიერებს ევროპული ოპერატორის TUI Tantur წარმომადგენელმა წაუყენა.
10. აფეთქებები რუსეთის კონტროლირებად დნესტრისპირეთში – ახალი ომის საფრთხე რეგიონში
მოლდოვას სეპარატისტულ დნესტრისპირეთში, რომელსაც რუსეთის შეიარაღებული ძალები აკონტროლებენ, ბოლო ორ დღეში ორი გადამცემი ანძა ააფეთქეს, რომლების მეშვეობით, გავრცელებული ინფორმაციით, რუსული რადიოსადგურები ტრანსლირებდნენ.