დღის TOP10 საინტერესო ამბავი:

1. რიზე-ართვინის აეროპორტს ბათუმისა და ქუთაისის აეროპორტების კონკურენტად არ განიხილავენ

„გამოვრიცხავ, რომ ახალი აეროპორტის გახსნამ თბილისის, ბათუმის ან ქუთაისი მგზავრთა შემოდინება-გადინებაზე უარყოფით გავლენა იქონიოს“, - ასე აფასებს ავიაციის სფეროს ექსპერტი იასე ზაუტაშვილი, ბათუმიდან 80 კილომეტრში, შავ ზღვაზე ახალი აეროპორტის გახსნას.

2. ბენზინისა და დიზელის იმპორტი და მოხმარება შემცირდა

საქართველოს ნავთობპროდუქტების ბაზარზე ტენდენცია შეიცვალა და ბოლო წლების განმავლობაში პირველი შემთხვევაა, როცა იმპორტი და მოხმარება იკლებს (–1,8%).

3. ევროპაში ხორბლის ფასი ისტორიულ მაქსიმუმზეა

ევროპის ბაზარზე ხორბლის ფასმა ისტორიულ მაქსიმუმს მიაღწია და ტონაზე 438,25 ევრო შეადგინა. ამის შესახებ Agency France Press წერს.

4. რუსეთიდან ფულადი გზავნილების 300%–იანმა ზრდამ ლარი გაამყარა

პაატა შეშელიძის შეფასებით, გადმორიცხვების რეკორდული ზრდა მაინც და მაინც შავი ფულის შემოდინებას არ გულისხმობს და შესაძლოა რუსეთის მოქალაქეები ფულის შესანახად უფრო სანდო ადგილს ეძებენ.

5. ლევან დავითაშვილი: „განვიხილავთ იაფი წყაროებიდან საწვავით მომარაგების, ასევე მარჟების მინიმუმამდე დაყვანის შესაძლებლობებს“

„ჩვენთვის მნიშვნელოვანია, რომ საწვავის ბაზარზე გვქონდეს სრულფასოვანი, კონკურენტული გარემო და შესაძლებელი იყოს გაძვირებული საწვავის მოსახლეობისთვის მაქსიმალურად იაფ და ხელსაყრელ პირობებში მიწოდება“.

6. საქართველოში ყველაზე მეტი ბენზინი და დიზელი რუსეთიდან შემოდის

ვანო მთვრალაშვილის ინფორმაციით, მიმდინარე წლის იანვარ-აპრილის განმავლობაში ბენზინისა და დიზელის საწვავის იმპორტის ყველაზე დიდი მოცულობა განხორციელდა რუსეთიდან - 83,9 ათასი ტონა, რაც მთელი იმპორტის 25,1%-ს შეადგენს.

7. აუდიტმა დარღვევები ექვს სამინისტროში აღმოაჩინა

პარლამენტის საფინანსო-საბიუჯეტო კომიტეტთან არსებული სახელმწიფო აუდიტის სამსახურის ანგარიშების მიხედვით, 6 სამინისტროში დაფიქსირდა მოთხოვნებთან და ვალდებულებებთან დაკავშირებული ნაკლოვანებები.

8. 2020 წელს სამინისტროების უმრავლესობაში ინვენტარიზაცია არასრულყოფილად ან საერთოდ არ ჩატარებულია - სახელმწიფო აუდიტი

პარლამენტის საფინანსო-საბიუჯეტო კომიტეტთან არსებული სახელმწიფო აუდიტის სამსახურის ანგარიშების მიხედვით, სამინისტროების უმრავლესობაში ფინანსურ ანგარიშგებაში აღურიცხავი ან ნულოვანი ღირებულებით აღრიცხული აქტივებია ასახული, ასევე ასახულია ისეთი აქტივები რომლებსაც არ ფლობს ან არ განკარგავს სამინისტრო.

9. გელა ხანიშვილი: საქართველოს სასურსათო უსაფრთხოება დაცულია

„როდესაც  24 თებერვალს  ომი  დაიწყო,  25 თებერვალს  ჩვენ უკვე  შევკრიბეთ  ხალხი,  ეს არის  იმპორტიორები,  სავაჭრო ქსელები,  დიდი  და მცირე  ასოციაციები და მათთან მუდმივი კოორდინაცია გვაქვს და  მუდმივად ვაკონტროლებთ  ქვეყანაში მარაგებს და  შეიძლება  ითქვას, რომ საქართველოს  სასურსათო  უსაფრთხოება  დაცულია“.

10. ლონდონის საფონდო ბირჟაზე ქართული კომპანიების კაპიტალიზაცია 122 მლნ გირვანქა სტერლინგით გაიზარდა

ლონდონის საფონდო ბირჟაზე სამი ქართული კომპანიის კაპიტალიზაცია 1.636 მლრდ გირვანქა სტერლინგია — გასულ კვირასთან შედარებით 122 მლნ-ით მეტი. Galt and Taggart-ის მიმოხილვის მიხედვით, გასულ კვირასთან შედარებით, გაზრდილია ორი ქართული კომპანიის აქციების ფასი.