დღის TOP10 საინტერესო ამბავი:
1. „ევექსი ჰოსპიტლების“ ქსელმა 2020 წელი 31 მლნ-იანი ზარალით დაასრულა
ევექსი ჰოსპიტლების ქსელის შემოსავალი ჯანდაცვის მომსახურებიდან 2020 წელს 2019 წელთან შედარებით 33 მლნ ლარით - 255 მლნ-მდე შემცირდა, ხარჯების ზრდის შედეგად კი 29 მლნ-იანი მოგება 31 მლნ ლარით შეიცვალა.
2. საკრედიტო ბარათების გამოშვება წლიურად 4%-ით შემცირდა, ხოლო სადებეტოსი 3%-ით გაიზარდა - როგორ შეიცვალა საგადახდო ბარათების დინამიკა
საქართველოში კომერციული ბანკების მიერ გამოშვებული საგადახდო ბარათების რაოდენობა გაიზარდა. 2021 წლის მარტის თვის მდგომარეობით, საქართველოში კომერციული ბანკების მიერ გამოშვებული საგადახდო ბარათების რაოდენობამ თითქმის 6.8 მილიონი ერთეული შეადგინა.
3. ფრანგული „მონკლერის“ თანამშრომლობა ქართულ სამკერვალოსთან გადაიდო - „ხელშეკრულება დადებულია, მაგრამ საბოლოო პასუხს თვეებია ველოდებით“
ქართული სამკერვალო კომპანია „იმერი“ ფრანგულ ბრენდ „მონკლერთან“ თანამშრომლობის დაწყებას გეგმავს. თუმცა, როგორც „კომერსანტს“ კომპანიის მარკეტინგის ხელმძღვანელმა ზაზა გვენეტაძემ უთხრა, ფრანგულ კომპანიასთან ხელშეკრულებაზე ხელი მოწერილია, აუდიტიც გავლილია, მაგრამ პანდემიის გამო პარტნიორებისგან საბოლოო პასუხის მიღება ვერ მოხერხდა და შეკვეთების დაწყებაც გაურკვეველი ვადით გადაიდო.
4. სიმინდის მოსავალი შემცირდა, ხარისხი - გაუარესდა
დასავლეთ საქართველოში სიმინდის მოსავალი, 2020-თან შედარებით, შემცირებულია. ამის მიზეზად სექტორის წარმომადგენლები გურიასა და სამეგრელოში უამინდობას ასახელებენ და ამბობენ, რომ გაზაფხულზე გვალვების, შემდეგში ზაფხულის ხშირი წვიმების გამო მოსავალი ნაკლებია და ხარისხიც გაუარესებულია.
5. იანვარ-სექტემბერში ჩინეთში ექსპორტი $122 მლნ-ით გაიზარდა
ექსპორტის მოცულობა პირველ სამ კვარტალში, გასული წლის ანალოგიურ პერიოდთან შედარებით, 24%-ით $2.981 მლრდ-მდე, სექტემბერში კი 13%-ით $374 მლნ-მდე გაიზარდა. გასული წლის მსგავსად, საექსპორტო პარტნიორებში პირველ ადგილს წელსაც ჩინეთი იკავებს.
6. პარლამენტი ხელოსანთა ლიცენზირების საკითხს განიხილავს
როგორც წინადადებაშია აღნიშნული, დროა ვიფიქროთ შემდეგ საკანონმდებლო პროექტზე, რომელიც დაარეგულირებს ხელოსანთა ლიცენზირების და პროფესიონალიზმის საკითხს. წინადადების ავტორის აზრით, უნდა მოხდეს დაქვემდებარება თუნდაც თბილისის მერიაში ხელოსანთა აღრიცხვიანობის ან/და ლიცენზირების გაცემის საკითხთან მიმართებაში.
7. საწვავის იმპორტი 9 თვეში 57%-ით გაიზარდა
იმპორტის მოცულობა პირველ სამ კვარტალში გასული წლის ანალოგიურ პერიოდთან შედარებით 21.6%-ით $7.028 მლრდ-მდე, ხოლო სექტემბერში 23.5%-ით $926 მლნ-მდე გაიზარდა. TOP 5 საიმპორტო პროდუქციიდან ყველაზე მეტად 57%-ით $576 მლნ-მდე ნავთობპროდუქტების იმპორტი გაიზარდა.
8. ქართველი ემიგრანტების მიერ შექმნილი კომპანიის „ჯეო მულჩის“ წარმოება პანდემიამ 30%-ით შეამცირა
შპს ,,ჯეო მულჩის“ (Geo Mulch LLC) საქმიანობა პანდემიური პერიოდისას საგრძნობლად შეფერხდა. გარდა იმისა, რომ მოთხოვნამ იკლო, შემცირდა წარმოებაში დასაქმებულთა რაოდენობაც, ფაქტობრივად განახევრდა. ამ მდგომარეობამ, როგორც ,,ჯეო მულჩის“ დამფუძნებელი მიხეილ მესტვირიშვილი განმარტავს, შეიცვალა ექსპორტთან დაკავშირებული გეგმაც, თუმცა მაქსიმალურად ცდილობენ, რომ წარმოება გააფართოონ და როგორც საქართველოში, ასევე მთლიანად სამხრეთ კავკასიაში დანერგონ მულჩირების კულტურა.
9. რისთვის მიიღეს 2021 წლის ნობელი ეკონომისტებმა?
2021 წელს ეკონომიკის დარგში ნობელის პრემია 3-მა მეცნიერმა - დევიდ კარდმა, ჯოშუა ანგრისტმა და გვიდო იმბენსმა „მიზეზ-შედეგობრივი კავშირების კვლევის მეთოდოლოგიური ანალიზისთვის“ მიიღეს.
10. Bloomberg: ევროპას ცივი ზამთრისგან OPEC ვერ იხსნის
წარმოუდგენლად მაღალი ფასები გაზზე, ნახშირზე და ელექტროენერგიაზე მსოფლიოში, და პირველ რიგში ევროპაში, ნავთობზე მოთხოვნას ზრდის, თუმცა, უახლოეს თვეებში შავი ოქროს მოპოვების ზრდა მოსალოდნელი არ არის - ნავთობმომპოვებელ ქვეყნებს დღევანდელზე მეტად ის აწუხებთ, რაც შესაძლოა ხვალ-ზეგ მოხდეს.