ალკოჰოლური სასმელების მწარმოებელი გიგანტი „დიაჯეო“ ჩინეთში ვისკის გამოსახდელ ქარხანას აშენებს, სადაც ცისქვეშეთში პირველ ერთნახად ვისკის წარმოებას დაიწყებს. ლონდონში ბაზირებული მულტინაციონალური კომპანია, ჩინეთში ალკოჰოლურ სასმელზე სწრაფად მზარდი მოთხოვნილების დაკმაყოფილებას ცდილობს.
ქარხანა ჩინეთის სამხრეთ დასავლეთში მდებარე პროვინცია იუნანში, მომავალ წელს აშენდება. ის 66,000 კვადრატულ მეტრ ფართობს დაიკავებს. მშენებლობა და აღჭურვა, 75 მილიონი დოლარი დაჯდება. ქარხანა ვისკის გამოხდისთვის საჭირო ერთ-ერთ ძირითად კომპონენტს, წყალს ტბა ერაიდან მიიღებს.
ერთნახადი ვისკი ჩინეთში ერთ-ერთი ყველაზე პოპულარული ალკოჰოლური სასმელია. მას სვამენ შინ და მცირე წვეულებებზე. შარშან ამ ტიპის სასმელის გაყიდვები 20 პროცენტით გაიზარდა. ღვინის და სპირტიანი სასმელების საკონსულტაციო კომპანია IWSR-ს ინფორმაციით, ერთნახადი ვისკი ყველაზე პოპულარული, მილენიალის თაობის (მას ხშირად ინტერნეტის თაობასაც უწოდებენ) მოსახლეობაშია, რომელიც ყველაზე ხალხმრავალი თაობაა ჩინეთში.
კორონავირუსის პანდემიის გამო შემოღებულ შეზღუდვებმა, მოსახლეობას ხარჯი შეუმცირა. ამის გამო, მათ დაიწყეს მაღალი კლასის სასმელების შეძენა, რადგან დანაზოგები ამის საშუალებას იძლეოდა. პოპულარულ ვისკი „ჯონი უოკერის“ მწარმოებელმა „დიაჯეომ“ გამოაცხადა, რომ ჩინეთში შოტლანდიური ვისკის გაყიდვები ორნიშნა პროცენტული მაჩვენებლით გაეზარდა.
„დიაჯეომ“ ასევე გამოაცხადა, რომ მისი ჩინური საწარმო, მუშაობის დაწყებისთანავე კარბონ ნეიტრალური იქნება.
bpn.ge