დიდი ბრიტანეთის მთავრობა ოლიმპიადის უმსხვილეს სპონსორებს მოუწოდებს, რომ საერთაშორისო ოლიმპიურ კომიტეტზე ზეწოლა განახორციელონ , რათა რუსი და ბელარუსი სპორტსმენები მომავალ წელს პარიზში დაგეგმილ თამაშებზე არ დაუშვან.
„როიტერი“ აღნიშნავს, რომ იანვარში საერთაშორისო ოლიმპიურმა კომიტეტის კრიტიკის ობიექტი გახდა, მას შემდეგ, რაც რუს და ბელარუს სპორტსმენებს შესთავაზა, პარიზის ოლიმპიურ თამაშებში მიიღონ მონაწილეობა ნეიტრალური სტატუსით. აღსანიშნავია, რომ საბოლოო გადაწყვეტილება კომიტეტში ჯერ არ არის მიღებული.
დიდი ბრიტანეთის კულტურის მინისტრმა, ლიუსი ფრეიზერმა წერილი გაუგზავნა ოლიმპიური თამაშების უმსხვილეს სპონსორ 13 კომპანიას, მათ შორის „კოკა-კოლას“, „სამსუნგს“, „ვიზას“.
„ვიცით , რომ რუსეთსა და ბელარუსში სპორტი და პოლიტიკა მჭიდროდ არის გადაჯაჭვული და ჩვენ მტკიცედ ვართ დარწმუნებული, რომ რუსეთი და ბელარუსის რეჟიმებს არ უნდა მიეცეთ საშუალება სპორტი თავიანთი პროპაგანდისტული მიზნებისთვის“, – ნათქვამია მინისტრის წერილში.
გასულ თვეში დიდმა ბრიტანეთმა და კიდევ 34-მა ქვეყანამ გაავრცელეს განცხადება, რომელშიც საერთაშორისო ოლიმპიურ კომიტეტს მოუწოდებს, აუკრძალოს რუს და ბელარუს სპორტსმენებს მის შეჯიბრებში მონაწილეობა.