დამკვირვებლები საუბრობენ შეიარაღებულ ჯგუფებზე, რომლებიც საკუთარ თავს დონალდ ტრამპის არმიად თვლიან. მათი არსებობა დიდ რისკს შეიცავს, განსაკუთრებით არჩევნების შემდეგ პირველ დღეებში.
ჯერ კიდევ აპრილში, ავტომატებით შეიარაღებული თეთრკანიანი მამაკაცები, შტატ მიჩიგანში კორონავირუსთან ბრძოლისადმი მიძღვნილ პოლიტიკოსთა შეკრებას ესწრებოდნენ. მაისში და ივნისში, შტატებში არეულობის დაწყების შემდეგ ამ არაფორმალური შეირაღებული ფორმირებების მძიმედ შეიარაღებული წევრები უფლებადამცველებს უპირისპირდებოდნენ.
აგვისტოში შტატ ვისკონსინის ქალაქ კინოშაში პოლიციელები შეიარაღებულ ადამიანებს გაწეული დახმარებისთვის მადლობას უხდიდნენ - ამ ჯგუფის წევრებმა მოგვიანებით ორი დემონსტრანტი მოკლეს.
ოქტომბერში პოლიციამ მიჩიგანის დემოკრატი გუბერნატორის გრეთხენ უიტმერის გატაცების მცდელობის ბრალდებით 13 მამაკაცი დააპატიმრა.
არჩევნებამდე რამდენიმე დღით ადრე ორმა არასამთავრობო ორგანიზაციამ - Militia Watch და Armed Conflict Location and Event Data Project (ACLED)-მა - განაცხადა რომ, როგორც მინიმუმ 9 მოქმედი მემარჯვენე შეირაღებული დაჯგუფება ამერიკელი ამომრჩევლებისთვის სერიოზულ საფრთხეს წარმოადგენს.
„ასეთი ჯგუფები საკუთარ თავს ტრამპის დამცველებად , მისი ხელმეორედ არჩევის და არჩევნების გაყალბების თავიდან არიდების მთავარ გარანტორებად თვლიან“ - მიიჩნევენ ამ ორგანიზაციების ექსპერტები.
მათ მიერ ჩატარებული გამოძიების თანახმად. შტატებში 80-ზე მეტი არაფორმალური მემარჯვენე მიმართულების შეიარაღებული ფორმირება მოქმედებს. ფორმალურად ისინი კანონს არ არღვევენ - ამერიკაში იარაღის ტარება ოფიციალურად ნებადართულია, თუმცა, ფაქტიურად არავინ იცის ისინი რას აკეთებენ და რისი გაკეთება შეუძლიათ.
„მათი მაღალი დაინტერესება არჩევნებით მაინც და მაინც გარდაუვალ ძალადობას არ ნიშნავს, თუმცა, მათი ჰიბრიდული ტაქტიკა პროპაგანდასთან ერთად შეიარაღებული ბრძოლისთვის მზადყოფნა დიდ რისკს ქმნის, არჩევნებამდეც, არჩევნების დროსაც და არჩევნების შემდეგაც“ - თვლიან ექსპერტები.
"Oath Keeper ერთ-ერთი უმსხვილესი შეიარაღებული დაჯგუფებაა, რომელშიც რამდენიმე ათასი ადამიანი შედის. ისინი სამოქალაქო ომისთვის ემზადებიან, რომელზეც მუდმივად საუბრობს ტრამპი. დამკვირვებლები, რომლებიც ასეთი ფორმირებების საქმიანობას იცნობენ, თვლიან, რომ ისინი არჩევნებში და არჩევნების შემდეგ შესაძლო მოვლენებში აქტიურ მონაწილეობას მიიღებენ. თუმცა, სავარაუდოდ მათი ტაქტიკა არა ღია შეირაღებული კონფრონტაცია, არამდე წერტილოვანი დაშინება იქნება.
მათი აზრით, რეგიონებში, სადაც შეიარაღებული ფორმირებები აქტიურად მოქმედებენ, აფროამერიკელებისთვის, ლათინოამერიკელებისთვის და სხვა უმცირესობებისთვის, უახლოესი დღეები საშიში იქნება.
წყარო: Die Tageszeitung
მოამზად თენგიზ აბლოთიამ
დონალდ ტრამპი
