გეგმური ოპერაციების ჩვეული ტემპი განახლდება, - ამის შესახებ ჯანდაცვის მინისტრის პირველმა მოადგილემ განაცხადა. თამარ გაბუნიას თქმით, ამ ეტაპზე კლინიკის ინფექციური მართვა უკეთ შეუძლიათ, ვიდრე ეპიდემიის პირველ ეტაპზე.
„ბოლო 2-3 თვის განმავლობაში კლინიკებში მიმართვიანობა რეალურად შემცირდა. შემცირდა ძირითადად გეგმური შემთხვევების ხარჯზე, რომელთა გადავადებაც შესაძლებელი იყო. გადავადების გადაწყვეტილება მიიღეს თავად პაციენტებმაც. ამ შემთხვევაში არ იყო ნამდვილად რეკომენდებული გეგმური ჩარევების ინტენსიური ჩატარება, იმის გამო, რომ ჩვენ ინფექციის გავრცელების მაღალი რისკის წინაშე ვიყავით. ახლა, როდესაც ეს რისკი შედარებით შესუსტდა, რა თქმა უნდა, შესაძლებელია და კლინიკების მზაობაც ინფექციის კონტროლის კუთხით მნიშვნელოვნად მაღალია, ვიდრე ეს იყო ეპიდემიის დასაწყისში, უკვე, რა თქმა უნდა, ჩვენ ვფიქრობთ, რომ გეგმური ოპერაციების ჩვეული ტემპი განახლდება და პაციენტები დაუბრუნდებიან კლინიკებს გეგმური ჩარევისთვის“, - განაცხადა გაბუნიამ.
imedinews.ge