ჯანდაცვის მსოფლიო ორგანიზაცია (WHO) „მაიმუნის ყვავილზე“ სახელის გადარქმევას და მისთვის MPOX-ის დარქმევას გეგმავს.  - ამის შესახებ ინფორმაციას politico ავრცელებს.  აღნიშნული ცვლილების მიზანი არის, ის, რომ დაავადების სახელი არ უკავშირდებოდეს ცხოველს და მის სტიგმატიზირებას არ იწვევდეს.

გადაწყვეტილება, რომელიც შეიძლება უკვე დღეს გამოცხადდეს, მოჰყვა თავდაპირველ შეთანხმებას, რომელიც ჯანმო-მ  ზაფხულში „მაიმუნის ყვავილის“ ახალი სახელის შესახებ წინადადებების განხილვისას დადო.

ეს ასევე ხდება ბაიდენის მაღალი თანამდებობის პირების მზარდი ზეწოლის საპასუხოდ, რომლებმაც ჯანმო-ს ლიდერებს სახელის შეცვლისკენ მოუწოდეს და ვარაუდობენ, რომ აშშ იმოქმედებს ცალმხრივად, იმ შემთხვევაში, თუ საერთაშორისო ორგანო საკმარისად სწრაფად არ იმოქმედებს.

„მაიმუნის ყვავილი“, რომელიც პირველად 50 წელზე მეტი ხნის წინ დაფიქსირდა და ტრადიციულად აფრიკის რეგიონებს არ სცდებოდა, გაზაფხულზე ევროპის და ამერიკის კონტინენტზე არაერთ ქვეყანაში გამოჩნდა.  WHO-მ ჯანდაცვის სფეროში „მაიმუნის ყვავილის“ აფეთქების გამო, საერთაშორისო საგანგებო რეჟიმი 23 ივლისს გამოაცხადა.

საქართველოში „მაიმუნის ყვავილის“ პირველი შემთხვევა 15 ივნისს დადასტურდა.