მილიარდერები - ჯეფ ბეზოსი და იური მილნერი სტარტაპ ბიოტექნოლოგიურ ფირმას აფინანსებენ, რომლებიც თავის მხრივ დაბერების საწინააღმდეგო ტექნოლოგიების შესაქმნელად მუშაობენ.
Altos Labs აშშ -სა და დიდ ბრიტანეთში ამ წლის დასაწყისში დარეგისტრირდა და უკვე 270 მილიონი დოლარის შეგროვება შეძლო.
სტარტაპი უჯრედების რეპროგრამირების ტექნოლოგიის პოტენციალს შეისწავლის, რათაცხოველებში და შესაძლოა, ადამიანებში დაბერების პროცესი შეანელონ. მიუხედავად იმისა, რომAltos-ის შესახებ ჯერჯერობით ცოტა რამ არის ცნობილი, ერთი რამ ფაქტია - გუნდი ქმნის დაბერებისსაწინააღმდეგო ტექნიკას, რომლის შესწავლაც ლაბორატორიას შეუძლია.
სტარტაპის გუნდს შორის გამოირჩევა უჯრედების რეპროგრამის შესწავლის პიონერი შინია იამანაკა. მან ამ კვლევისთვის 2012 წელს ნობელის პრემია მიიღო.
შინიამ აღმოაჩინა, რომ უჯრედებში მხოლოდ ოთხი სპეციფიური ცილის დამატებით, შეიძლება უჯრედი დაუბრუნდეს ადრეულ მდგომარეობას ემბრიონის ღეროვანიუჯრედების თვისებებით, რომლებიც ახალი ცხოველების სიცოცხლის სამშენებლო ბლოკსქმნიან.
Altos -ის მეორე წარმომადგენელია დოქტორ ხუან კარლოს ისისუა ბელმონტე, ესპანელიბიოლოგი. 2016 წელს მან ემბრიონის ღეროვანი უჯრედების ტექნიკა თაგვებზე გამოიყენა. ექსპერიმენტის შემდეგ ისისუა ბელმონტემ რეპროგრამის ტექნიკას პოტენციური„სიცოცხლის ელექსირი“ უწოდა.
კომპანიას ასევე უერთდება დოქტორი სტივ ჰორვათი, რომელმაც სპეციფიური მარკერებიშეიმუშავა. მარკერებს შეუძლიათ დაბერება ადამიანებსა და ცხოველებში ზუსტად გაზომოს.
აღსანიშნავია, რომ 57 წლის ბეზოსმა, მსგავს სტარტაპში ინვესტიცია ადრეც ჩადო. კომპანია Unity Biotechnology თითქმის ანალოგიური ტექნოლოგიის შემუშავებას ცდილობს.
Altos - ს ჯერ არ გაუკეთებია ოფიციალური განცხადება, მაგრამ ბეზოსისა და მილნერის გარდა, კომპანიაში შეიძლება მოწვეულნი იყვნენ ინვესტორები სილიკონის ველიდან.
Bpn.ge