ირანული წარმოშობის ამერიკელი ბიზნესმენი ჯემ ნაჯაფი ინგლისური საფეხბურთო კლუბი Tottenham-ის 3,75 მლრდ დოლარად ყიდვას გეგმავს. ამის შესახებ Financial Times-ი წერს.
გამოცემის წყაროს ინფორმაციით, ბიზნესმენი თანამშრომლობს კონსორციუმთან, სადაც არაბეთის გაერთიანებული საემიროების ინვესტორები უმცროსი პარტნიორების როლს ასრულებენ და ფორმალური წინადადება შესაძლოა კლუბის ხელმძღვანელობას უახლოეს კვირებში გაეგზავნოს.
Tottenham-ის მფლობელია ბრიტანელი ბიზნესმენის ჯო ლუისი, კლუბის თავმჯდომარე დანიელ ლევია. ბოლო დროს, თასების ნაკლებობის გამო, გულშემატკივრები ხელმძღვანელობის მიმართ უკმაყოფილებას აქტიურად გამოხატავენ.
კლუბის ბოლო წარმატება ინგლისის ლიგის თასის მოგება იყო 2008 წელს. ამავდროულად, ამ დროის განმავლობაში გუნდს ხელმძღვანელობდნენ აღიარებული მწვრთნელები ჟოზე მოურინიო და ანტონიო კონტე, ხოლო შემადგენლობაში თამაშობენ ისეთი ვარსკვლავები, როგორებიცაა ჰარი კეინი, რიჩარლისონი, სონ ჰინ მინი და უგო ლორისი.
Tottenham-ი ამჟამად მეხუთე ადგილზეა პრემიერლიგაში, ორი ქულით ჩამორჩება Newcastle-ს და კიდევ ერთი თამაში აქვს ჩატარებული. წინა დღით ჩემპიონთა ლიგის მერვედფინალის პირველ მატჩში გუნდი მილანთან ანგარიშით 1:0 დამარცხდა.
ბოლო დროს ინგლისურმა საფეხბურთო კლუბებმა უცხოელი ინვესტორების ყურადღება მიიპყრეს. გასულ წელს ამერიკელმა ტოდ ბოილიმ რომან აბრამოვიჩისგან Chelsea 2,5 მლრდ ფუნტად (3 მლრდ დოლარად) იყიდა, ბილ ფოლიმ იყიდა ნაკლებად ცნობილი Bournemouth-ი - 120 მლნ ფუნტად. ახლა ბევრს საუბრობენ manchester united-ის და Liverpool-ის მფლობელებში შესაძლო ცვლილების შესახებ.