ანალიტიკური ცენტრის „ჯეოქეისის“ სტუდენტური სასწავლო პროგრამის: „საგარეო პოლიტიკა და უსაფრთხოების საკითხები“ მორიგი კურსი წარმატებით დასრულდა, რომელშიც მონაწილეობას იღებდნენ ბაკალავრიატისა და მაგისტრატურის საფეხურის სტუდენტები საქართველოს სხვადასხვა უნივერსიტეტიდან.

სალექციო კურსს უძღვებოდნენ „ჯეოქეისის“ მკვლევრები და ანალიტიკოსები: ამერიკისმცოდნეობისა და ევროატლანტიკური მიმართულების დირექტორი ხათუნა ბურკაძე, თავდაცვის და უსაფრთხოების მიმართულების დირექტორი, გიორგი ანთაძე, ეკონომიკური პოლიტიკის მიმართულების დირექტორი, დავით აფციაური, მკვლევარი ეკონომიკის მიმართულებით, გიორგი აბაშიშვილი, ჯანდაცვის მიმართულების დირექტორი, ზვიად კირტავა, „ჯეოქეისის“ მრჩეველი, სამხედრო მეცნიერებათა დოქტორი, გენერალ – მაიორი (გადამდგარი) ვახტანგ კაპანაძე, მკვლევარი საგარეო პოლიტიკის მიმართულებით, ნიკოლოზ ხატიაშვილი, აღმოსავლეთმცოდნეობის მიმართულების დირექტორი, ემილ ავდალიანი.

სტუდენტებს ტრენინგ კურსი საშუალებას აძლევს ცოდნა და უნარები გაიღრმაონ ისეთი მიმართულებებით როგორიცაა: ევროატლანტიკური და ევროპული ინტეგრაცია, საგარეო პოლიტიკის ანალიზი, თავდაცვა და ეროვნული უსაფრთხოება, დაზვერვა და კონტრდაზვერვა, რუსეთის პოლიტიკა სამხრეთ კავკასიაში, ეკონომიკური უსაფრთხოება, კიბერუსაფრთხოება, პანდემია და ახალი რეალობა, ომის წარმოების ფორმები, ჰიბრიდული გამოწვევები.

კურსის ფარგლებში, მონაწილეებს, ასევე, საშუალება ჰქონდათ პირადად შეხვედროდნენ და დისკუსია გაემართათ მაღალი კვალიფიკაციის მქონე დარგის სხვა ექსპერტებთან და საჯარო მოხელეებთან.

სატრენინგო კურსი შერჩეული მონაწილეებისათვის უფასოა.