„ჯეოსილქროუდ ჰოლდინგი“ აქტიურადაა ჩართული საერთაშორისო ვაჭრობის საკითხებში და დიდ მნიშვნელობას ანიჭებს მსოფლიოს მასშტაბით სავაჭრო ურთიერთობების გაღრმავებას. კომპანიის მთავარი მიზნობრიობა ჩვენი ქვეყნის საინვესტიციო გარემოსა და პოტენციალის პოპულარიზაცია წარმოადგენს, როგორც „ჯეოსილქროუდ ჯგუფის“ აღმასრულებელმა დირექტორმა, დავით ცირდავამ აღნიშნა, ბიზნეს ფორუმებში მონაწილეობა და მათი მხარდაჭერა, საკუთარი თავის, საკუთარი კომპანიისა და საკუთარი ქვეყნის წარმოჩენის კარგი შესაძლებლობაა. მისივე თქმით, „ჯეოსილქროუდ ჯგუფი“ ამსტერდამსა და ბრიუსელში გამართულ, ევროსაბჭოს ინიციატივით ორგანიზებულ ბიზნეს ფორუმს დაესწრო.
„ის საინვესტიციო კლიმატი და უპირატესობები, რაც ამ ქვეყნებს გააჩნიათ, როგორც უშუალოდ ლიბერალური კოდექსიდან, ასევე ლოკაციიდან და იმ შესაძლებლობებიდან გამომდინარე, რასაც თავისუფალი ვაჭრობის ხელშეკრულებები ჰქვია, მნიშვნელოვნად ზრდის ჩვენი ქვეყნის საექსპორტო პოტენციალს. ბაზარი, როგორც ევროპაში, ისე აზიაში - ვგულისხმობ ჩინეთს - არის უზარმაზარი, სადაც შესაძლებლობა გვაქვს, წარადგინო შენი პროდუქცია. ამიტომაც, ძალიან მნიშვნელოვანია, გააცნო მათ შენი თავი და იცოდნენ, რომ ქვეყანაში არსებობს საინვესტიციო ჰოლდინგი, რომელსაც ნებისმიერ დროს შეუძლიათ დაუკავშირდნენ. ამ მხრივ, კონტაქტებს ძალიან დიდი მნიშვნელობა აქვს.
მინდა, მადლობა გადავუხადო ევროსაბჭოს კარგი ინიციატივისთვის და შესაძლებლობისთვის. ასევე, ელჩებს: ბატონ დავით სოლომონიას და ვახტანგ მახარობლიშვილს, რომელთა მხარდაჭერითა და ორგანიზებით გაიმართა ბიზნეს ფორუმი, დივერსიფიცირებული საზოგადოებითა და მიზნობრივი აუდიტორიით. ღონისძიებას ესწრებოდნენ როგორც კერძო, ასევე საჯარო სექტორის წარმომადგენლები, არასამთავრობო და იურიდიული პირები, რომელთაც სხვადასხვა ბიზნეს მიმართულებასთან აქტიური შეხება აქვთ.
ჩვენ ევროსაბჭოსთან დიდი ხნის თანამშრომლობა გვაკავშირებს და მოხარული ვარ, რომ მორიგი პარტნიორული კავშირით, ევროპული ბიზნეს ტური წარმატებით ჩატარდა. ამ ძალიან საინტერესო და მნიშვნელოვანი ფორუმის შემდეგ ჩვენ გვაქვს ახალი, უმნიშვნელოვანესი კონტაქტები და ახალი შესაძლებლობები საკუთარი ქვეყნის წარმოსაჩენად,“ - აღნიშნა დავით ცირდავამ.
„ჯეოსილქროუდ ჯგუფი“ ფორუმზე საინვესტიციო საკონსულტაციო ჰოლდინგის სახით იყო წარმოდგენილი. კომპანიის წარმომადგენლებმა „ჯეოსილქროუდ ჯგუფის“ პოტენციალზე გაამახვილეს ყურადღება. კომპანიის საინვესტიციო დირექტორის, ლადო ლურსმანაშვილის განცხადებით, ეფექტიანი და შედეგიანი იყო ასევე ღონისძიების არაფორმალური ნაწილიც.
„ჩვენ, რა თქმა უნდა, ასევე შევეხეთ ჩვენს უმნიშვნელოვანეს კონტაქტებს და პარტნიორს - აზიისა და გალფის ქვეყნების ბიზნეს პალატას. ჩვენ ამ პლატფორმის მეშვეობით ვოპერირებთ ბაზარზე. ხაზი გავუსვით ჩვენი კომპანიის შესაძლებლობებს და იმას, რომ ჩვენ მუდმივად მზად ვართ, მხარი დავუჭიროთ ბიზნესს ინვესტიციის კუთხით. ჩვენ კიდევ ერთხელ აღვნიშნეთ ჩვენი ქვეყნის ისტორიული ფუნქცია, რომ ის ყოველთვის იყო აბრეშუმის გზის ნაწილი. თამამად შემიძლია ვთქვა, რომ „ჯეოსილქროუდი“ არის ერთგვარი ხიდი აზიისა და ევროპას შორის. ჩვენი კომპანია აკავშირებს და ხელს უწყობს ინვესტიციების შემოტანას ჩვენს ქვეყანაში. ჩვენ ძალიან დიდი იმედი გვაქვს, რომ ამ ჩვენი კონტაქტებით და ძალისხმევით, მოკლე ვადებში კარგი შედეგები გვექნება; რომ ვიქნებით ის ერთ-ერთი მნიშვნელოვანი ძალა, ვინც ხელს შეუწყობს სერიოზული ინვესტიციების შემოდინებას საქართველოში. ამის კარგი ფუნდამენტი და საფუძვლები უკვე არსებობს და დიდი იმედი მაქვს, ეს ყველაფერი წარმატებით დასრულდება.
ახალი კონტაქტების გაღრმავებისთვის, საკმაოდ მნიშვნელოვანია ფორუმის არაფორმალური მხარეც. არაფორმალური შეხვედრები მომავალი ჯანსაღი წარმატებული პარტნიორობის საწინდარია. მინდა გამოვყო შეხვედრა ქალბატონ თიკა სვანიძესთან, ამსტერდამში მოღვაწე ქართველ ბიზნესმენთან. ის არა მხოლოდ თავისი ბიზნესის განვითარებაზე ზრუნავს, არამედ სრულ მხარდაჭერას უცხადებს სხვადასხვა ტიპის ბიზნესს საქართველოდან; ბიზნესს, რომელიც დაინტერესებულია ექსპორტით და სხვათა შორის, არა მხოლოდ ჰოლანდიაში.“ - განაცხადა ლადო ლურსმანაშვილმა.
(R)
ჯეოსილქროუდ ჰოლდინგი
