ერთმა ვიდეოჩანაწერმა უკრაინაში და რუსეთში დიდი აღელვება გამოიწვია - უკრაინის შეიარაღებულმა ძალებმა დონბასში თურქული უპილოტო საფრენი აპარატი გამოიყენეს.
რუსეთი აღშფოთებულია, რეგიონი ახალი ესკალაციის ზღვარზეა.
არაერთი ასეთი ვიდეო ჩვენ სომხეთ-აზერბაიჯანის ომის დროს გვაქვს ნანახი - თუმცა, აქ, სადაც ჰიბრიდულ ომში ერთმანეთს რუსეთი და უკრაინა უპირისპირდებიან, ამას სულ სხვა დატვირთვა აქვს.
უკრაინელი სამხედრო ბლოგერის რომან დანიკის მონაცემებით, პრორუს სეპარატისტთა არტილერიამ სამთავრობო ძალების პოზიციები სოფელ გრანიტნოესთან დაბომბა, რის შედეგადაც 2 ჯარისკაცი დაიღუპა.
პირადი შემადგენლობის გადარჩენისთვის, უკრაინულმა მხარემ თურქული უპილოტო აპარატი „ბაირაქტარი“ გამოიყენა.
ექსპერტების აზრით, სამხედრო თვალსაზრისით, ეს შეტევა შედარებით სუსტი იყო, რადგანაც მტრის არტილერისტები გადარჩნენ, თუმცა ამ სუსტი დარტყმისგან ექო ძალიან შორის ისმოდა. ეს სიგნალი იყო - ჩვენ ასეთი იარაღი გვაქვს, და ჩვენ მას აუცილებლად გამოვიყენებთ.
მოსკოვში ეს სიგნალი მიიღეს - „რუსეთს თურქეთთან განსაკუთრებული და კარგი ურთიერთობები გვაქვს, თუმცა, ამ შემთხვევამ დაადასტურა ჩვენი მოსაზრება, რომ უკრაინისთვის ასეთი იარაღის მიწოდებამ შესაძლებელია ვითარების დესტაბილიზაცია გამოიწვიოს“, - განაცხადა რუსეთის პრეზიდენტის პრეს-მდივანმა დმირტი პესკოვმა.
გერმანიის საგარეო საქმეთა სამინისტრომ ასევე შეშფოთება გამოხატა იმის გამო, რომ ორივე მხარე იყენებს უპილოტო საფრენ აპარატებს, იმის მიუხედავად, რომ კონფლიქტის ზონაში ამის უფლება მხოლოდ ეუთო-ს დამკვირვებლებს აქვთ.
რუსეთმა დაიწყეო პროპაგანდისტული კამპანია, რომელშიც ამტკიცებს, რომ უკრაინული მხარის მიერ დრონების გამოყენება არაეფექტურად ხდება. სეპარატისტები ასევე აცხადებენ, რომ უკრაინამ ეუთოს უპილოტო აპარატების მართვის პუნქტის მწყობრიდან გამოყვანა სცადა, თუმცა, უშედეგოდ.
„რუსეთს გააჩნია უკეთესი დრონები, ვიდრე „ბაიტაქტარი“, უბრალოდ ის ჯერ არ გამოგვიყენებია“, - წერს თავის ბლოგში რუსეთის მთავრობის მხარდამჭერი პოლიტოლოგი სერგეი მარკოვი.
საფრთხე ემუქრება ასევე რუსულ-თურქულ ურთიერთობებს. თურქეთმა „ბაირაქტარები სირიაში და ლიბიაში, ხოლო აზერბაიჯანმა მთიან ყარაბაღში გამოიყენა. 150 კილომეტრის რადიუსში მოქმედი დრონი სომხეთის წინააღმდეგ ომში აზერბაიჯანის გამარჯვების ერთ-ერთი გადამწყვეტო ფაქტორი იყო.
უპილოტო აპარატები ასევე ძალიან ცუდად მოქმედებენ ჯარისკაცების საბრძოლო სულისკვეთებაზე, რადგანაც მათი თავდასხმა ნებისმიერ მომენტშია მოსალოდნელი.
რუსეთმა უკვე აკრძალა თურქეთიდან მანდარინის ნაწილის იმპორტი - ოფიციალურად ამის მიზეზია ფიტოსანიტარული ნორმების დარღვევა, მაგრამ, შესაძლებელია ეს უკრაინისთვის „ბაიტაქტარების“ მიწოდებაზე კრემლის პასუხი იყოს.
თუმცა, უკრაინელი ექსპერტის ალექსეი მელნიკის თქმით, უპილოტო საფრენი აპარატის გამოყენება უკრაინას და რუსეთს შორის დაბალი ინტენსივობის ომში გადამწყვეტ როლს ვერ შეასრულებს.
„ბაიტაქტარის“ გამოჩენას ძირითადად ფსიქოლოგიური მნიშვნელობა აქვს, გარდა ამისა, რუსეთი უკმაყოფილოა იმით, რომ მისმა მოკავშირე თურქეთმა ეს იარაღი მის მტერს - უკრაინას გადასცა“ - თვლის ექსპერტი.
fr.de
დონბასი
