ბათუმში, ბოტანიკური ბაღის მიმდებარედ ზღვასთან, ჩაქვის ყოფილი „ტურბაზის“ ტერიტორია 16.32 მლნ ლარად გაიყიდა. ელექტრონულ აუქციონზე 49 420 კვ.მეტრი ფართობის მიწა, რომელიც აჭარის ა.რ. ფინანსთა და ეკონომიკის სამინისტროს საკუთრებაში იყო შპს „დრიმლენდ ოაზისმა“ იყიდა.
აჭარის ფინანსთა და ეკონომიკის სამინისტროს მიერ გამოცხადებული აუქციონის ერთ-ერთი პირობა საინვესტიციო პროექტის კომპანია „Colliers International”-ის მიერ შემუშავებული კონცეფციის შესაბამისად მომზადება და მთავრობისთვის წარდგენაა.
კონცეფცია ითვალისწინებს მრავალფუნქციური კომპლექსს (არანაკლებ 120 ნომრიანი სასტუმრო (თავისი ინფრასტრუქტურით), სპორტული-გამაჯანსაღებელ ან/და სარეაბილიტაციო ცენტრს, ცალკე მდგომი საზოგადოებრივი ან/და სავაჭრო დანიშნულების ობიექტებს, ღია აუზს, სპორტულ-სარეკრეაციო გასართობ სივრცეს, კაფე-ბარს, რესტორანს, დასასვენებელი და გასართობი სივრცეებს, სკვერს, სპორტული მოედნების, ასევე ვილებს (შესაძლებელია ე.წ. “Beach House”) ან/და საცხოვრებელი სახლებს, სასტუმროს ტიპის აპარტამენტებს.
გარდა ამისა, ტერიტორიაზე უნდა მოეწყოს არანაკლებ 20 მცურავ საშუალებაზე გათვლილი ნავმისადგომი და ვერტმფრენის ასაფრენ-დასაფრენ მოედანი.
„დრიმლენდ ოაზისი“ ჩაქვში 12 ჰექტარზე სასტუმრო კომპლექსსა და პლაჟს ფლობს, კომპანია ასევე აშენებს მრავალფუნქციურ კომპლექსს. შპს „დრიმლენდ ოაზისის“ 82%-ს ავსტრიაში დაფუძნებული კომპანია „ალბერეტა“ ფლობს, 18% კი ბიზნესმენ ნიკოლოზ გეგუჩაძის საკუთრებაა.