დუბაიში ალკოჰოლზე არსებული 30%-იანი დამატებითი ღირებულების გადასახადი გაუქმდა. - ამის შესახებ იფნრომაციას cnn ავრცელებს.გამოცემის ცნობით ამიერიდან დუბაიშიჩასულ ტურისტებს და ემიგრანტებს ალკოჰილის შეძენისას დამატებით თანხის გადახდა აღარ მოუწევთ.
არაბეთის გაერთიანებულ საემიროებში (UAE) მდებარე ქალაქში ორი მსხვილი საცალო ვაჭრობის ქსელში განაცხადეს, რომ მათ ეს ცვლილება უკვე ასახეს და ალკოჰოლზე ფასები შეამცირეს.
"თქვენი საყვარელი სასმელების ყიდვა ახლა უფრო ადვილი და იაფია, ვიდრე ოდესმე", - აცხადებენ Maritime and Mercantile International - ში. MMI დუბაიში ალკოჰოლის ერთ-ერთი უდიდესი საცალო ვაჭრობა და სახელმწიფო Emirates ჯგუფის შვილობილი კომპანიაა და მთელ ქალაქში 21 მაღაზიას ფლობს.
არაბთა გაერთიანებულ საემიროებში ამ გადაწყვეტილების მიღების მთავარი არგუმენტი არის ის, რომ რაც შეიძლება მეტი ტურისტი და უცხოელი კადრი მოზიდოს. როგორც ჩანს, ალკოჰოლზე არსებული გადასახადი ტურისტების მსყიდველუნარიანობაზე აისახებოდა.
რეგიონის ქვეყნების მზარდი კონკურენციის პირობებში, არაბეთის გაერთიანებული საემიროების რამდენიმე ქალაქი უკვე გადავიდა ასეთ "გლობალურად მიმზიდველი პოლიტიკაზე", მათ შორისაა წყვილების თანაცხოვრების ლეგალიზაცია და რამადანის დღესასწაულის დროს ალკოჰოლის გაყიდვის დაშვება, რაც აქამდე აკრძალული იყო.
მოგზაურობისა და ტურიზმის მსოფლიო საბჭოს მონაცემებით, საერთაშორისო ვიზიტორებმა 2022 წელს დუბაიში $29 მილიარდზე მეტი დახარჯეს, რაც ყველაზე მაღალი მაჩვენებელია მსოფლიოში.