მსოფლიოს პანდემიამდელი ცხოვრების რიტმში დაბრუნების კუთხით საუკეთესი ლაკმუსის ქაღალდი ტურიზმის აღდგენა იქნება.

2020 წელს საერთაშორისო ტურიზმი 74%-ით შემცირდა, რაც უპრეცედენტო მასშტაბის ვარდნაა - მაგალითისთვის, 2008 წლის მაისში ამ მაჩვენებელმა 4% შეადგინა. ბოლო პერიოდში საერთაშორისო მოგზაურობები განახლდა, განსაკუთრებით წარმატებული ვაქცინაციის ფონზე.

თუმცა, ვაქცინები ბევრია და სხვადასხვა ქვეყნებში ზოგ პრეპარატს აღიარებენ, ზოგს კი არა. მაგალითად, ევროკავშირი არ შეუშვებს თავის ტერიტორიაზე უცხოელებს, რომლებიც აცრილები არიან პრეპარატ Covishield-ით,  იმის მიუხედავად, რომ ის AstraZeneca-ს ასლია.

ვაქცინა იწარმოება ინდოეთში, რომლის მთავრობაც ევროკავშირს საპასუხო ზომებით ემუქრება, რადგანაც ბრიუსელის გადაწყვეტილება Covishield-ის გავრცელებას ხელს აშკარად შეუშლის - მაგალითად, ეს ვაქცინა აქტიურად გამოიყენება ბრიტანეთში და სავარაუდოდ, ბრიტანელები მისდამი ინტერესს დაკარგავენ, როგორც კი გაიგებენ, რომ ევროკავშირში ვერ იმოგზაურებენ.

ტურისტული საიტის VisaGuide.World-ის მონაცემები აშკარად ცხადჰყოფს, რამდენად მრავალფეროვანია ვაქცინების აღიარების მოზაიკა. ყველაზე ფართოდ მსოფლიოში გავრცელებულია AstraZeneca,  რომელსაც  119 სახელმწიფო სცნობს. ამის საპირისპიროდ, ჩინურ CanSinoBio-ს სულ რამდენიმე ქვეყანა აღიარებს.

პრობლემა მხოლოდ მოგზაურობებით არ შემოიფარგლება. რამდენიმე ქვეყანაში, მაგალითად შტატებში, აცრილი უცხოელებისთვის ბარებში და რესტორნებში შესვლა აკრძალულია.

ტურისტული ინდუსტრია შიშობს, რომ ამ ტიპის შეზღუდვები ადამიანებს უცხოეთში მოგზაურობის სურვილს დაუკარგავს.  საჰაერო ტრანსპორტის საერთაშორისო ასოციაციის დირექტორის ნიკ კარინის თქმით, მთავრობებს შორის ვაქცინების აღიარების კუთხით ერთიანობის არარსებობა ერთ-ერთი მნიშვნელოვანი ფაქტორია, რომელიც ტურისტული სექტორის აღდგენას აფერხებს.

ევროკავშირის რამდენიმე ქვეყანამ ბრიუსელის აკრძალვას ყურადღება არ მიაქცია, და

Covishield-ს აღიარებს, თუმცა ჩინური პრეპარატების აღიარებისგან ისინიც კი თავს იკავებენ.

ჩინურმა ვაქცინებმა ჯანდაცვის მსოფლიო ორგანიზაციისგან აღიარება კი მიიღეს, მაგრამ მათ ცდებში დაფიქსირდა გარკვეული ხარვეზები, რომელთა გამო მათ მიმართ სხვა ქვეყნების ნდობის ხარისხი საკმაოდ დაბალია.

და ეს მაშინ, როდესაც ევროპის ტურისტული სექტორისთვის ჩინეთი ერთ-ერთი პრიორიტეტული მიმართულებაა - 2019 წელს ევროკავშირს 12 მლნ. ჩინელი ტურისტი ესტუმრა.

სავარაუდოდ, ამ წელს საერთაშორისო აღიარებისთვის კიდევ რამდენიმე ვაქცინა იბრძოლებს და მათ შორის ბევრს ამ გზაზე სირთულეები ელის, განსაკუთრებით ეს ავტორიტარულ ქვეყნებში დამზადებულ პრეპარატებს შეეხება, რადგანაც იქ საზედამხედველო ორგანოები პოლიტიკურ ხელისუფლებას ემორჩილებიან. შესაბამისად, პოლიტიკური ნების არსებობის შემთხევაში ნებისმიერ ვაქცინას დაამტკიცებენ - პირველ რიგში ეს ჩინეთს, რუსეთს და კუბას შეეხება.

სადღეისოდ, ვაქცინებთან დაკავშირებული გაუგებრობები და ერთიანი წესების არარსებობა ტურისტული ინდუსტრიის მთავარი შემაფერხებელი ფაქტორი რჩება. 2021 წელი მოგზაურებს დაამახსოვრდებათ, როგორც გაურკვევლობის და სასაზღვრო ბიუროკრატიის წელი.

economist.com