ეგვიპტე სამხრეთ-აღმოსავლეთ აზიის რეგიონში ფორთოხლის ექსპორტის აქტიურ ზრდას აგრძელებს - ამის შესახებ ინფორმაციას EasrFruit ავრცელებს, გამოცემის ცნობით ეგვიპტე ჩრდილოეთ  ნახევარ სფეროს ქვეყნებიდან ფორთოხლის უმსხვილეს მიმწოდებლად რჩება. 

მიმდინარე სეზონის პირველ ხუთ თვეში (2022 წლის ოქტომბერი - 2023 წლის თებერვალი) ეგვიპტემ თითქმის 25 000 ტონა ფორთოხალი სამხრეთ-აღმოსავლეთ აზიის მთავარ ქვეყნებში (მალაიზია, ინდონეზია, სინგაპური, ტაილანდი და კამბოჯა) გაიტანა, რაც ყველაზე დიდი მაჩვენებელია ბოლო ხუთი წლის განმავლობაში. 

ეგვიპტური მომწოდებლები თითქმის არ შედიან პირდაპირ კონკურენციაში სამხრეთ აფრიკასთან, რადგან მისი ექსპორტის პიკი ივლის-ოქტომბერშია, ხოლო ეგვიპტე ფორთოხლის უმეტეს ნაწილს იანვარ-მაისში ახორციელებს.

მთლიანობაში, სამხრეთ-აღმოსავლეთ აზიის ეს ქვეყნები სეზონზე 150 000-დან 180 000 ტონამდე ფორთოხლის იმპორტს ახორციელებენ და ამ რეგიონის ბაზარი უკიდურესად კონცენტრირებული რჩება. 

აღსანიშნავია, რომ სამხრეთ-აღმოსავლეთ აზიის ქვეყნებში ფორთოხლის ბაზარზე ეგვიპტის მთავარი კონკურენტი ჩინეთია. თუმცა, ჩინეთიდან ფორთოხლის მომწოდებლები ძირითადად ვიეტნამზე არიან ორიენტირებული, ხოლო მათი ყოფნა უფრო პრემიუმ ბაზრებზე (მალაიზია, სინგაპური და ა.შ.) უმნიშვნელო რჩება. მიუხედავად ამისა, ამ მიმართულებით იზრდება ექსპორტი ჩინეთიდანაც, რომელიც გაორმაგდა  და ბოლო ხუთ სეზონზე ყველაზე მაღალ მაჩვენებელს 15 000 ტონას მიაღწია.

სამხრეთ-აღმოსავლეთ აზიის ქვეყნებში ეგვიპტე ასევე კონკურენციას უწევს შეერთებული შტატების ექსპორტიორებს, მაგრამ ამერიკიდან იმპორტი ბოლო დროს მცირდება.