„ეიპიემ ტერმინალს ფოთის“ მრავალმილიონიანი საინვესტიციო გეგმა წელსაც გრძელდება. საქართველოს უდიდეს პორტში არსებული ინფრასტრუქტურისა და აღჭურვილობის მოდერნიზაცია ზრდის შესაძლებლობებს, აუმჯობესებს უსაფრთხოებასა და ეფექტურობას, ამავდროულად ამცირებს გარემოზე მავნე ზემოქმედებას. ამის შესახებ ინფორმაციას ფოთის პორტი ავრცელებს.
მათი ინფორმაციით, პორტმა ორი 40 მ3 ჰიდრავლიკური ნაყარი განმუხტვის ბუნკერი იყიდა, რაც საშუალებას მისცემს ნაყარი ტვირთის უფრო ეფექტურად განტვირთვას, მინიმალური მტვრის ან ტვირთის დანაკარგით.
„ახალი ტექნიკა საშუალებას მისცემს ნაყარი ტვირთის დატვირთვას უფრო ეფექტურად, მტვრის ან ტვირთის მინიმალური დანაკარგით. ტვირთის ჩატვირთვა შესაძლებელია ბუნკერში მაშინაც კი, როცა ქვეშ სატვირთო მანქანა არ არის.
ახალი ბუნკერები, გარდა იმისა, რომ გვთავაზობენ ტვირთის დაცლის სიჩქარის გაზრდას დღეში 10,000 MT-მდე, მისი საშუალებით ნაყარი ტვირთის კონტროლი მეტად ეფექტურია და შესაბამისად, შემცირებულია გარემოზე მავნე ზემოქმედება.
APM Terminals-ის მაღალკვალიფიციური ადგილობრივი ტექნიკური და საინჟინრო ჯგუფის მიერ ფოთში გაკეთდა ორი დამატებითი ბუნკერი, რაც კიდევ უფრო მეტ მოქნილობას აძლევს ოპერაციებს“, - აღნიშნულია გავრცელებულ ინფორმაციაში.
„ეიპიემ ტერმინალს ფოთის“ მმართველი დირექტორის ხულიან ფერნანდესის განცხადებით, ინვესტიციები და ინფრასტრუქტურის მუდმივი გაუმჯობესება „ეიპიემ ტერმინალს ფოთს“ პარტნიორებისთვის მეტად მიმზიდველ ადგილს გახდის.
„ჩვენ ტვირთი გადაგვაქვს მსოფლიო მასშტაბით და ვზრუნავთ იმაზე, რომ ჩვენი პორტი გავხადოთ მეტად უსაფრთხო და უკეთესი ადგილი; ვზრუნავთ ჩვენს ხალხსა და მომხმარებლებზე და ამიტომაც მუდმივად ვცდილობთ გავხადოთ მომსახურება უფრო პროდუქტიული, ეფექტური და სანდო ჩვენი დაინტერესებული მხარეებისთვის. მჯერა, რომ ეს ინვესტიციები და ინფრასტრუქტურის მუდმივი გაუმჯობესება გახდის „ეიპიემ ტერმინალს ფოთს“ მეტად მიმზიდველ ადგილს ჩვენი პარტნიორებისთვის“, - აცხადებს ხულიან ფერნანდესი.