„მე ვერანაირი ტიპის გადახურების ნაწილს ვერ ვხედავ ეკონომიკურ ზრდასა და ინფლაციის კოლერციას შორის, როგორც წესი არც ერთი ეკონომიკური თეორია და პრაქტიკა მსოფლიოში არ გვეუბნება იმას, რომ შეიძლება ასეთი ტიპის დაპირისპირება მოხდეს“ — ამის შესახებ, რადიო „კომერსანტის“ გადაცემაში „კომერსანტი live“ „კომერსანტის“ მმართველმა პარტნიორმა გიორგი აბაშიშვილმა ისაუბრა. რაც შეეხება შერბილებულ მონეტარულ პოლიტიკას, გიორგი აბაშიშვილი ამბობს, რომ ეს დისკუსია მთელ მსოფლიოშია და პრინციპში ყველა ცენტრალური ბანკი მსოფლიოში გამკაცრების პოლიტიკისკენ მიდის და ამ პირობებში ძალიან ძნელია ჩვენ ეროვნულ ბანკს ვუთხრათ რომ მონეტარული პოლიტიკა შეარბილოს.
“დღეს მსოფლიოში არის ტენდენცია, როდესაც შემოსულია ტერმინი გლობალური ინფლაცია, რაც ნიშნავს იმას, რომ ყველა ქვეყანა ინფლაციის წინაშე დგას“, -მისი თქმით მსოფლიო ტენდენციებს საქართველო ვერ მოწყდება.
აბაშიშვილის თქმით ეროვნულმა ბანკმა დაგვანახა, რომ მისი ნაბიჯები იყო სწორი და ჯამში ორნიშნა ინფლაციის მიუხედავად, ყველაზე სტაბილური მონეტარული პოლიტიკა აქვს რომელიც შეიძლება იყოს რეგიონში.
„მე მგონია, რომ ეროვნულ ბანკს ყველაზე სწორად უდევს ხელი პულსზე და ყველაზე სწორად გვკარნახობს იმ ნაწილს რაც საჭიროა ეკონომიკისთვის, თუმცა ეს იმას არ ნიშნავს რომ დისკუსია არ იყოს“, - აღნიშნა გიორგი აბაშიშვილმა.
აბაშიშვილმა კომერსანტის ეთერში საწვავის ფასებზეც ისაუბრა და განმარტა, რომ საწვავის ბაზარი არის ოლიგოპოლიური.
„რამდენი განცხადებაც არ უნდა გავაკეთოთ ამაზე, ბაზრის ტენდენციების სწორი შეფასებაა საჭირო და ეჭვი არ უნდა გვეპარებოდეს იმაში ბაზარზე არის თუ არ არის კონკურენცია, თუმცა რა თქმა უნდა საწვავის ბაზარზე პრობლემა არის, მაგრამ გლობალურ ბაზარზე განსაკუთრებული მატებიდან არის შემცირება და არა ტენდენციაში. ამ შემთხვევაში ქართული კომპანიების სრულად მესმის, რომლებსაც ჯერ გაეზარდათ ფასი და შემდეგ ძალიან გაზრდილისგან მცირე შემცირებაზეა საუბარი, რა თქმა უნდა ეს ყველას გვინდა, მაგრამ ჯამში თუ ამ ბაზარზე კონკურენციაზე ორიენტირებული პოლიტიკა თუ ვერ უზრუნველყავით მუდმივად იქნება ასეთი ტიპის კითხვები და გაურკვევლობა.
რაც ეხება მსოფლიოს ტენდენციას განსაკუთრებულად გაზრდილია აშშ-ს რეზერვებიდან ევროპის და აზიის მიმართულებით გაზის მიწოდება და მიუხედავად ამის შტატებში ფასი მაინც მაღალია, საუბარია იმაზე ექსპორტიორი ქვეყანა იქნება თუ იმპორტიორი ქვეყანა, ნავთობის ფასთან დაკავშირებით ყველა ერთ დღეშია“, - აღნიშნა გიორგი აბაშიშვილმა.
თაკო კვაჭანტირაძე