ლარის კურსი დოლართან მიმართებაში 4 თებერვლის ვაჭრობის შედეგადაც მკვეთრად - 3.12 თეთრით გამყარდა და პირველად 2020 წლის ივნისის შემდეგ კურსი 3.00-ს ჩამოსცდა. 5 თებერვალ ოფიციალური კურსი 2.9867 იქნება. ლარის გამყარებასთან დაკავშირებით ეკონომისტი იოსებ სიმონიშვილი სოციალურ ქსელში პოსტს აქვეყნებს და აღნიშნულს რეფინანსირების სესხის მოცულობის შემცირებას უკავშირებს.
„სებმა ბრუნვაში არსებული რეფინანსირებული კრედიტები შეამცირა დაახლოებით 1 მილიარდი ლარით. სულ ეს არის. კი, დოლარის შემოდინებაც გაიზარდა, ექსპორტ-იმპორტის ბალანსიც გაუმჯობესდა, მაგრამ მთავარი, მაინც რეფინანსირებული სესხების მოცულობის შემცირებაა. ადრე, როცა მათი შემცირებისკენ მოვუწოდებდი სებს, სები ამტკიცებდა, რომ რეფინანსირებული სესხები, მათი ბუნების გამო, ფულის მასას არ ზრდისო. როგორც ჩანს, პრემიერმინისტრს ჭკვიანი მრჩეველი გამოუჩნდა და მანაც ,,ცენნი უკაზანია მისცა ერბანკის პრეზიდენტს. ის თავისი ნებით ამას არასოდეს გააკეთებდა. ლარის გამყარება კარგია, მაგრამ ეკონომიკის გაჯანსაღებისთვის ეს საკმარისი არ არის. თუ პრემიერი შეძლებს, რომ საბანკო სისტემამ ორიენტაცია აიღოს ,,საქონელმწარმებლური საწარმოების გრძელვადიან და დაბალპროცენტიან დაკრედიტებაზე, მაშინვე დაიწყება ფასების ზრდის ტენდენციის მოთოკვაც.“