მას შემდეგ, რაც ემ ჯი იურიდიული ოფისი გაერთიანდა ანდერსენ გლობალის ქსელში და დაიწყო მათთან თანამშრომლობა (https://mglaw.ge/2020/12/04/andersen-global-enters-the-georgian-market/), უფროსი პარტნიორების სია გაიზარდა და ნიკოლა მარიანისა და არჩილ გიორგაძესთან ერთად ფირმას შემოუერთდა გიორგი სვანაძე.
ემ ჯი იურიდიული ოფისი გაცნობებთ, რომ დღეიდან გიორგი სვანაძე PhD., LL.M., MLB (Bucerius/WHU) იქნება ფირმის უფროსი პარტნიორი.
გიორგი არის საქართველოში კვალიფიცირებული ადვოკატი, რომელსაც აქვს ბიზნეს და კომერციული სამართლის დარგში მუშაობის თხუთმეტ წელზე მეტი ხნის გამოცდილება. ის სწავლობდა ქართულ, გერმანულ და ამერიკულ უნივერსიტეტებში. თავისი კარიერის განმავლობაში გიორგი ხელმძღვანელობდა იურიდიულ პრაქტიკას ორი დიდი ოთხეულის (Big4) ფირმასა და კიდევ ერთ საერთაშორისო იურიდიულ და აუდიტორულ ფირმაში. ბოლოს გიორგი იყო საქართველოში EY-ს ასოცირებული პარტნიორი და იურიდიული პრაქტიკის ხელმძღვანელი. მანამდე იგი ხელმძღვანელობდა დელოიტის იურიდიულ პრაქტიკას როგორც Deloitte Legal-ის ხელმძღვანელი საქართველოში, ხოლო მანამდე გიორგი მუშაობდა საქართველოს წამყვანი მინერალური წყლის მწარმოებელი კომპანიის იურისტად. გიორგი ასევე მუშაობდა საერთაშორისო იურიდიულ ფირმებში ჰამბურგსა და ბერლინში, გერმანიაში.
გიორგი ფირმას შემატებს საქართველოსა და გერმანიაში შეძენილ მრავალმხრივ გამოცდილებასა და ცოდნას. ის არის იურისტი, რომელსაც ენდობიან კლიენტები და რომელიც ყველაზე ეფექტურ გადაჭრის გზებს სთავაზობს მათ.
ემ ჯი იურიდიული ოფისის თანადამფუძნებელი და მმართველი პარტნიორი არჩილ გიორგაძე თვლის, რომ „გიორგი ჩვენი ფირმისათვის გამორჩეული შენაძენია. იგი გუნდს შემატებს შეუფასებელ გამოცდილებასა და განახლებულ განწყობას. ჩვენ მტკიცედ გვჯერა, რომ გიორგის უზარმაზარი როლი ექნება ჩვენი ფირმის სამომავლო განგრძობით წარმატებასა და ზრდაში და ჩვენ შევძლებთ უფრო მეტად ინოვაციური და ეფექტური გზით მოვემსახუროთ ჩვენს კლიენტებს“.
ემ ჯი იურიდიული ოფისის თანადამფუძნებელი და თავმჯდომარე ბატონი ნიკოლა მარიანი აცხადებს: „გიორგი სვანაძისა და ემ ჯი იურიდიული ოფისის თანამშრომლობა კიდევ ერთი მტკიცე განაცხადია ჩვენი მზარდი გეგმების თაობაზე და აუმჯობესებს ჩვენს უნარს, მოვემსახუროთ ადგილობრივ და საერთაშორისო კლიენტებს. ჩვენი თანამშრომლობა ანდერსენ გლობალთან, რომელიც წარმოდგენილია 150 ქვეყანაში და აერთიანებს 8,000-ზე მეტ პროფესიონალს, ბრწყინვალე საშუალება იქნება გიორგისთვის, რომ ჩემი და არჩილის მხარდაჭერით მოემსახუროს გლობალურ და ადგილობრივ კლიენტებს და გაზარდოს მათი ჩამონათვალი. გიორგი სვანაძის ჩვენთან შემოერთება კიდევ ერთხელ ხაზს უსვამს ჩვენს სურვილს, რომ ჩვენი პრაქტიკა გაფართოვდეს. ასევე დამატებით ვგეგმავთ ნაბიჯებს, რომ რეგიონში ჩვენი საბაზრო წილი კიდევ უფრო გაიზარდოს, განსაკუთრებით ანდერსენ გლობალთან ჩვენი თანამშრომლობის შედეგად“.
გიორგი სვანაძის განცხადებით „განსაკუთრებულად სასიამოვნო შესაძლებლობაა გახდე ემ ჯი იურიდიული ოფისის პარტნიორი და გქონდეს შესაძლებლობა იმუშავო ნიკოლასთან, არჩილთან და იმ გუნდთან ერთად, რომლებიც წლების განმავლობაში უმაღლესი დონის პოზიციას იკავებენ ბაზარზე. ანდერსენ გლობალთან ემ ჯი იურიდიული ოფისის თანამშრომლობას ფირმა კიდევ უფრო მაღალ დონეზე აყავს და დივერსიფიცირებული და კომპლექსური მომსახურებების გაწევის უნიკალურ შესაძლებლობას ქმინს“.
(R)