ევროპაში ენერგომატარებლებზე მაღალი ფასის გამო ამ ზამთარს ზოგიერთი ფერმერი მუშაობას წყვეტს, რაც საფრთხეს უქმნის ისედაც კრიზისში მყოფ გლობალურ სასურსათო უსაფრთხოებას - ამის შესახებ ინფორმაციას გამოცემა business insider ავრცელებს.

მათვე ინფორმაციით, მიმდინარე წლის ზამთარში ევროპა რუსეთზე დამოკიდებულების გამო ენერგო რესურსების პოტენციური დეფიციტის წინაშე დგას. გამომდინარე იქიდან, რომ რუსეთმა ევროპისკენ მიმავალი მილსადენი რუსეთის უკრაინკაში შეჭრისთვის დაწესებული საპასუხო სანქციების გამო და სხვა ტექნიკური პრობლემების გამო ჩაკეტა, ხოლო ევროკავშირი ამ ზამთარში რუსეთის ნავთობის სრულ აკრძალვას გეგმავს, ევროპაში ბუნებრივ აირზე  ფასი მასიურად გაიზარდა, რაც პანდემიის  შემსუბუქების შემდეგ ისედაც მაღალი იყო.

საკვების წარმოების პროცესში ენერგომატარებლებს  მნიშვნელოვანი ადგილი უჭირავს, ამ ფონზე ფერმერები და საკვების მწარმოებლები ენერგომატარებლებზე ფასების ზრდის გამო დიდი წნეხის ქვეშ  არიან, გარდა ამისა ზამთარში  ზოგიერთი  საკვების  წარმოება შენელებული ან სრულად შეჩერებულია. 

პომიდვრის ტოპ მწარმოებელმა Nordic Greens Trelleborg-მა განაცხადა, რომ ის წელს ზამთრის მოსავალს არ დარგავს, რადგან ელექტროენერგიაზე გაზრდილი ფასის გამო მხოლოდ იზარალებს, მისივე თქმით ეს არის პირველი შემთხვევა, როდესაც კომპანია მუშაობას აჩერებს.

ევროკავშირის ფერმერთა გაერთიანება Copa-Cogeca-მ Financial Times-ს  განუცხადა, რომ რძის და საცხობის სექტორებს საწვავზე ფასების ზრდა ყველაზე მეტად აზარალებთ, რადგან პასტერიზაციისა და რძის ფხვნილის წარმოების პროცესები დიდ ენერგიას მოიხმარენ, შესაბამისად გაიზარდა ფასებიც. ევროკომისიის ცნობით, კარაქის და რძის ფხვნილის ფასები აგვისტოში წინა წელთან შედარებით  80 და 55 %-ით აირს გაზრდილი.

Reuters – ის ინფორმაციით,  ნიდერლანდებში ზოგიერთი სათბური რომელიც ტემპერატურას არასეზონური ზრდისთვის  არეგულირებს ითიშება ან ამცირებს წარმოების ზონებს ზამთარში.

აღსანიშნავია, რომ სოფლის მეურნეობის კუთხით ნიდერლანდები  აშშ- ის  შემდეგ მსოფლიოში მეორე უმსხვილესი ექსპორტიორია, ამიტომ ფერმის წარმოების  შემცირდება დააზარალებს  ხილის,  ბოსტნეულის და  ყვავილების გადაზიდვას.