აშშ-ის სახელმწიფო მდივანმა ენტონი ბლინკენმა და თავდაცვის მდივანმა ლოიდ ოსტინმა უკრაინაში ვიზიტისას განაცხადეს, რომ ამერიკელი დიპლომატები ქვეყანაში ეტაპობრივად დაბრუნებას დაიწყებენ, - ინფორმაციას Reuters-ი აშშ-ის სახელმწიფო დეპარტამენტის მაღალჩინოსანზე დაყრდნობით ავრცელებს.
სააგენტოს წყაროს ცნობით, უკრაინაში ვიზიტის დროს ენტონი ბლინკენი და ლოიდ ოსტინი პრეზიდენტ ვოლოდიმირ ზელენსკის შეხვდნენ. მათ პირობა დადეს, რომ ზელენსკის მთავრობისა და რეგიონის ქვეყნებისთვის, სადაც რუსეთის შეჭრამ მოსკოვის შემდგომი აგრესიის შიში გააჩინა, აშშ დამატებით 713 მილიონი დოლარის ოდენობის ახალ დახმარებას გამოყოფს.
ენტონი ბლინკენი და ლოიდ ოსტინი რუსეთის შეჭრის შემდეგ უკრაინაში ოფიციალური ვიზიტით პირველად იმყოფებოდნენ. უსაფრთხოების ინტერესებიდან გამომდინარე, მათი ვიზიტის შესახებ ინფორმაცია არ გავრცელდა მანამ, სანამ ქვეყანა არ დატოვეს.