ნავთობის ფასმა მცირედით დაიკლო. ეს აშშ-ში ნედლი ნავთობის მარაგების რეკორდული მატების შესახებ ინფორმაციის გავრცელების შემდეგ მოხდა.
გარდა ამისა, კომპანია BP-მ ნავთობის ფასის ზრდის გამო განაცხადა, რომ ფილაქნის გაზის და ნავთობის მოპოვებაში 2022 წელს 1,5 მლრდ აშშ დოლარის ინვესტირებას განახორციელებს. მიმდინარე წელს კომპანიამ ამ ბიზნესში 1 მლრდ დოლარი ჩადო.
ექსპერტები 2021 წლის ბოლოს ნავთობის და გაზის ფასის მკვეთრ ზრდას პანდემიის შემდეგ ეკონომიკის აღდგენას უკავშირებენ, რამაც საწვავზე მოთხოვნა მკვეთრად გაზარდა. ამასთანავე, ნავთობმომპოვებელი კომპანიები მოთხოვნილების სრულად დაკმაყოფილებას ვერ ახერხებენ, რადგანაც პანდემიის დროს ნავთობის და გაზის მოპოვება მისი დაბალი ფასის გამო მნიშვნელოვნად შემცირდა. 2022 წელს სპეციალისტები ნავთობის და გაზის ბაზარზე ფასების დასტაბილურებას ელოდებიან.
წყარო: "ენერგონიუსი"