ავტომწარმოებლები General Motors-დან  Toyota-მდე ასრულებენ მისიას და ბენზინზე მომუშავე მანქანების ეტაპობრივად გაუქმებას ცდილობენ, მიუხედავად იმისა, რომ სუფთა ელექტრო მანქანებით სავსე მომავალი მავნე გამონაბოლქვს შეამცირებს და კლიმატის ცვლილებას შეაფერხებს, ამან შეძლება კატასტროფა გამოიწვიოს და ათასობით მუშაკი, რომელთა სამუშაოები მოძველებული იქნება უმუშევარი დატოვოს. - ამის შესახებ ინფორმაციას insider ავრცელებს.

შეიძლება ვივარაუდოთ, რომ თანამშრომლები, რომლებიც აწყობენ ბენზინის ძრავებს, ტრანსმისიებს, გამონაბოლქვის სისტემებს და უამრავ სხვა ნაწილს, რომლებიც ელექტრომობილებში საჭირო აღარ იქნება დარჩებიან უმუშევრები. უფრო მეტიც, ელექტროძრავები და ბატარეები ბევრად უფრო მარტივი ასაწყობია, ვიდრე ტრადიციული ელექტროგადამცემები და ეს ყველაფერი საშუალებას აძლევს ავტომწარმოებლებს, რომ იგივე წარმოება ნაკლები მუშახელით შეინარჩუნონ.

Ford-მა და Volkswagen-მა შეაფასეს, რომ ელექტრომობილებს 30%-ით ნაკლები შრომა სჭირდება, ვიდრე ჩვეულებრივი მანქანების მწარმოებლებს. საკონსულტაციო ფირმა AlixPartners თვლის, რომ 40%-ით ნაკლები შრომა იხარჯება EV-ის ძრავებსა და ბატარეებზე, ვიდრე ძრავაზე და ტრანსმისიაზე.

ის ზეგავლენა, რომელიც ამ ეპიკურ ცვლილებას ექნება ავტოინდუსტრიაში დასაქმებაზე ბოლომდე შესწავლილი არ არის, მაგრამ ზოგიერთი ინდუსტრიის  წარმომადგენელი აფრთხილებს სექტორს, რომ ბევრ სამუშაო ადგილს დაკარგავს.

„ინდუსტრია გადის გარდამავალ ეტაპს, ისეთს როგორიც არასდროს გვინახავს“ - განაცხადა ავტომობილების კვლევის ცენტრის დირექტორმა ბრეტ სმიტმა insider - თან ინტერვიუში, მან ასევე  დასძინა, რომ არსებობს დიდი შანსი იმისა, რომ ამ მანქანების შექმნას ნალები ადამიანური რესურსი დასჭირდება და ეს ზოგიერთი საავტომობილო ბიზნესისთვის დიდი გამოწვევა იქნება.

სექტემბრის კვლევაში, ეკონომიკური პოლიტიკის ინსტიტუტის, ლიბერალურმა ანალიტიკურმა ცენტრმა აღნიშნა, რომ 2030 წლისთვის აშშ-მ შესაძლოა 75 000 ავტოინდუსტრიაში დასაქმებული დაითხოვოს, იმ შემთხვევაში თუ ელექტრომობილების გაყიდვებით 50% - მდე გაიზრდება.

ევროპელი საავტომობილო მომწოდებლების შეფასებით, სწრაფი ელექტროფიკაცია მათ 2040 წლისთვის 275,000 სამუშაო ადგილი დაუჯდებათ, თუნდაც ახალი პოზიციების გათვალისწინებით, რომლებიც EV ნაწილების წარმოებაში წარმოიქმნება.

Boston Consulting Group-ის ანალიზის მიხედვით, 2030 წლისთვის ევროპაში  EV-ებზე გადასვლა  ავტოინდუსტრიაში  630 000-ით ნაკლებ სამუშაო ადგილს გამოიწვევს.

მიუხედავად იმისა, რომ ძირითადი საავტომობილო ინდუსტრია ნამდვილად დაკარგავს სამუშაო ადგილებს, ზოგიერთ იმ ახალ ინდუსტრიას, რომელიც ელექტროფიკაციას უჭერს მხარს, ექნება სამუშაო ადგილების ზრდა, ეკონომიკური პოლიტიკის ინსტიტუტის შეფასებით, პოლიტიკის ზომები, რომელიც ელექტრომანქანების წარმოების ზრდას უწყობს ხელს, შეიძლება დაეხმაროს შეერთებულ შტატებს დაამატოს 150,000 საავტომობილო სამუშაო ადგილი, მაგრამ მიუხედავად ამისა, არ არსებობს გარანტია, რომ გათავისუფლებული მუშები ისარგებლებენ ახლად შექმნილი პოზიციებით.

„ეს ადგილები არ იქნება იგივე მუშახელისთვის, ხშირად იქმნება ახალი სამუშაო ადგილები, რომლებზეც ახალი ადამიანებია საჭირო“, -  აღნიშნა სმიტმა და დასძინა, ავტომობილების მწარმოებლები და მათი პარტნიორები გეგმავენ ბატარეის ქარხნების მრავლობით შეერთებას შეერთებულ შტატებში, მაგრამ ამ ქარხნებიდან ბევრი შორს იქნება ამჟამინდელი ავტომობილების წარმოებისგან.

 ადამიანები, რომლებიც წვის მანქანების სისტემებს აპროექტებენ, ან გადამზადებას საჭიროებენ , ან სამუშაოს დაკარგვის წინაშე აღმოჩნდებიან, თქვა ტამი მედსენმა, ბიზნეს პროფესორმა სანტა კლარას უნივერსიტეტში.

 შესაძლოა შემცირებები უკვე დაწყებულია, მაგალითად Ford გეგმავს, რომ წვის ძრავების განყოფილებიდან 8000 დასაქმებული გაათავისუფლოს.

 მიუხედავად იმისა, რომ ვერავინ იწინასწარმეტყველებს EV რევოლუციის ზუსტ კონტურებს, როგორც ჩანს, ტექნოლოგიური ცვლილება შეაფერხებს ავტომობილების წარმოებას და დასაქმებას.

Ford ის აღმასრულებელმა დირექტორმა ჯიმ ფარლიმ აღნიშნა, რომ “ჩვენ გვაქვს უნარები, რომლებიც აღარ მუშაობს და გვაქვს სამუშაოები, რომლებიც უნდა შეიცვალოს“

თაკო კვაჭანტირაძე