ერევანი-სტამბოლი-ერევნის ავიარეისებზე, რომელიც სომხეთ-თურქეთის ურთიერთობების ნორმალიზების ფარგლებში იხსნება, მგზავრები ე.წ. ჰაერის გადასახადისგან გათავისუფლდებიან. ამის შესახებ ინფორმაციას სომხეთის სამოქალაქო ავიაციის მთავარი სამმართველოს პრეს-სამსახური ავრცელებს.
ინფორმაციის თანახმად, შეღავათს ის ავიაკომპანიები მიიღებენ, რომლებიც იმ ახალ მიმართულებებზე უფრენენ, რომლებზეც ბოლო 12 თვის განმავლობაში არ ყოფილა ფრენები. 17 მიმართულებიდან ერთ-ერთი სტამბოლია, რომელ მიმართულებაზეც ავიაკომპანიები ჰაერის გადასახადისგან 3 წლით თავისუფლდებიან. ეს გადასახადი დღემდე მგზავრების მოსაკრებელში აისახებოდა.
სომხეთში „ჰაერის გადასახადი“ ბოლო 10 წელია, რაც არსებობს და ფიქსირებული მოსაკრებელი 10 000 დრამს ($21) შეადგენს ერთ მგზავრზე.