ბრიტანული გამოცემა The Times წერს, რომ ბოლო კვირის განმავლობაში უკრაინის პრეზიდენტ ვოლოდიმირ ზელენსკიზე თავდასხმის სულ მცირე 3 მცდელობა იყო.

ჟურნალისტების ინფორმაციით, უკრაინის ლიდერის მოსაკლავად ორი სხვადასხვა ჯგუფი გაუშვეს – პროკრემლისტური დაჯგუფება ვაგნერის დაქირავებული მებრძოლები და ჩეჩნეთის სპეცსამსახური. ყოველ ჯერზე ზელენსკიზე თავდასხმა რუსეთის უშიშროების ფედერალური სამსახურის თანამშრომლების წყალობით ჩაიშალა, რომლებიც უკრაინასთან ომის წინააღმდეგ გამოდიან, წერს The Times.

ვაგნერის დაქირავებულებმა კიევში დანაკარგი განიცადეს თავისი მისიის შესრულების მცდელობისას და გაოგნებული იყვნენ იმის გამო, თუ როგორ ზუსტად გაშიფრეს უკრაინელებმა მათი გეგმები. ამ დაჯგუფებასთან დაახლოებული წყარო ამბობს, რომ ზელენსკის უსაფრთხოების სამსახურის ინფორმირებულობა მათთვის გამაოგნებელი იყო. შაბათს, კიევის გარეუბანში უკრაინელებმა აღკვეთეს ჩეჩენი დაქირავებულების თავდასხმა და შემდეგ მათი ლიკვიდაცია მოახდინეს.