თებერვალში კომერციული ბანკების მიერ გაცემული სესხების მოცულობამ 42.371 მლრდ ლარს მიაღწია, რაც გასული წლის ანალოგიურ პერიოდთან შედარებით 13%-ით ანუ 4.727 მლრდ ლარით მეტია. ინფორმაციას ამის შესახებ ეროვნული ბანკი ავრცელებს.
ბოლო ერთ წელიწადში ბიზნესის დაკრედიტება 9%-ით 20.382 მლრდ ლარამდე გაიზარდა, მათ შორის სოფლის მეურნეობის 38%-ით 958 ათასამდე, მშენებლობის 21%-ით 3 მლნ-მდე, ტრანსპორტისა და კავშირგაბმულობის 644 ათასამდე, მრეწველობის 8%-ით 5 მლრდ ლარამდე.
შინამეურნეობებზე სესხები უფრო მეტად 16%-ით 21.989 მლრდ-მდე გაიზარდა. ყველაზე დიდი 37%-იანი ზრდა სამომხმარებლო სესხების მიმართულებით გაიზარდა, რომლის მოცულობაც 6.5 მლრდ-მდე გაიზარდა. 12%-იანი ზრდის შემდეგ უძრავი ქონებით უზრუნველყოფილი დაკრედიტების მოცულობა 12%-ით 14 მლრდ-მდე გაიზარდა.
ბოლო ერთ წელიწადში უცხოურ ვალუტაში გაცემული სესხების მოცულობა 3%-ით ანუ 704 მლნ ლარით 21.457 მლრდ-მდე გაიზარდა, ლარში დაკრედიტება კი 24%-ით ანუ 4.024 მლრდ-ით 20.915 მლრდ-მდე. დისბალანსის მიზეზი ძირითადად ვალუტის კურსითაა გამოწვეული.
სესხებზე საშუალო საპროცენტო განაკვეთმა თებერვალში 12.8%-ს მიაღწია. მათგან უცხოურ ვალუტაში გაცემულ სესხებზე 6.4%-ს, (იურიდიულ პირებზე 6.7%-ს და ფიზიკურ პირებზე 5.5%-ს) ეროვნულ ვალუტაში კი 16.4%-ს (იურიდიულ პირებზე 13.3%-ს და ფიზიკურ პირებზე 18.5%-ს) შეადგენს.