რას მოიცავს საქართველოსა და არაბთა გაერთიანებულ საამიროებს შორის თავისუფალ ვაჭრობაზე შეთანხმება და რა პერსპექტივებს ხსნის ეს შეთანხმება საქართველოსთვის ამ თემაზე  რადიო „კომერსანტის“ გადაცემაში „კომერსანტის დილა“ აზიისა და  სპარსეთის  ყურის ქვეყნების ბიზნეს პალატის პირველმა ვიცე-პრეზიდენტმა დავით ცირდავამ ისაუბრა. მისი თქმით არაბთა გაერთიანებული საემიროები ინვესტიციების განხორციელებით არის დაინტერესებული, რაც ხელს შეუწყობს  სასურსათო უსაფრთხოებას, კლიმატური ცვლილებების შერბილებას და მნიშვნელოვანი გამოწვევების დაძლევას.

„თავისუფალი ვაჭრობის შეთანხმების პროცესი 2020  წლის დეკემბერში  იყო დამტკიცებული და ძალიან სწრაფი ტემპით განვითარდა, მითუმეტეს ასეთი  ტიპის თავისუფალი ვაჭრობის შესახებ შეთანხმება  საკმაოდ  გრძელვადიან პერსპექტივაში ხდება. ვფიქრობ რომ ეს ორ ქვეყანას  შორის სავაჭრო ურთიერთობის დინამიკას მნიშვნელოვნად  გაზრდის და ახალ ეტაპზე გადაიყვანს.

ეს შეთანხმება ჩვენ  ქვეყანაში ინვესტიციებს გაათმაგებს და ჩვენნაირი პატარა ქვეყნისთვის ინვესტიციების მოცულობის  ზრდა ნიშნავს  სავაჭრო  ბრუნვის  ზრდასაც.  გასულ  წელს სავაჭრო ბრუნვამ  400 მილიონი დოლარი  შეადგინა, რაც პოსტპანდემიური ვითარების  ფონზე ცოტა არ არის.“, - აღნიშნა დავით ცირდავამ.

ცირდავას თქმით, როდესაც საუბარია ექსპორტის მიმართულებაზე, უნდა აღინიშნოს ისიც, თუ რა არის ამ ქვეყნებში მოთხოვნადი, მისივე  განმარტებით აქამდე ხორციელდებოდა ხალიჩების, ცოცხალი ცხვრის და თხის ექსპორტი, თუმცა ამ  ქვეყნებში აღნიშნული პროდუქტების ექსპორტი მასშტაბური არ  ყოფილა.

„მე ვფიქრობ რომ აღნიშნულ ქვეყნებში ქართულ ხიზილალას ძალიან დიდი  პოტენციალი  აქვს, არსებობს გარკვეული პროგრამები და ამ დარგის განვითარება  შეიძლება. გარდა ამისა საინტერესოა ჩაის  ექსტრაქტები და სხვადასხვა ტიპის  პროდუქცია. თუმცა აქ მხოლოდ  ექსპორტი  არ  არის მთავარი, ასევე მთავარია  იმპორტიც, სხვადასხვა  ტიპის  სიგარეტი, მოწყობილობები, კომპიუტერული ტექნიკა, ავტონაწილები, სუნამოები და  სხვა შემოდის  საქართველოში საამიროებიდან. იმპორტს სამომხმარებლო ბაზარზე ძალია დიდი მნიშვნელობა  აქვს მართალია  ჩვენი  ქვეყნისთვის  ნომერ პირველი არის  ექსპორტი, მაგრამ იმპორტიც  ძალიან მნიშვნელოვანია,  რადგან ეს პროდუქტები ბიზნესს  სტიმულს  აძლევს.“ -  აღნიშნა  დავით  ცირდავამ.

ცირდავას თქმით არაბთა გაერთიანებულ საემიროებსა და საქართველოს შორის მოლაპარაკებების  ფინალური  ეტაპი  სამაგალითოა ისეთი  ქვეყნებისთვის როგორიცაა ქუვეითი,  საუდის არაბეთი და სხვა, რადგან ეს მათთვის გადამდები იქნება.

„პირდაპირი  ინტერესი  გამოითქვა  პორტებთან დაკავშირებით, ასევე  ძალიან ინტერესდებიან  ტურიზმის მიმართულებითაც და უძრავი  ქონების  მიმართულებით.

რაც შეეხება  საქართველოს,  საკმაოდ  დიდი  ბაზარია  და  ჩვენ  თავისუფალი  ვაჭრობ  გვაქვს ჩინეთთან,  ევროკავშირთან და  როდესაც  ახალი  ბაზარი ემატება ეს  ნიშნავს  იმას, რომ ჩვენი ქვეყანა  მიმზიდველი და საინტერესოა.

საქართველო ინვესტირებისთვის ძალიან კარგი ადგილია, როგორც  გეოგრაფიული ასევე  სხვა კუთხით, მაგრამ არის ასევე  ლიბერალური  და  ხელსაყრელი ბიზნეს  გარემო,  მწვანე  ენერგიის  ხელმისაწვდომობა და  2 მილიარდზე  მეტი  მომხმარებლისთვის  ბაზრებზე  თავისუფალი  ვაჭრობის  შესაძლებლობა, ასევე  ენერგეტიკის  სფეროში  ერთ-ერთი  ყველაზე მეტად საინტერესო სფეროა  ინვესტორებისთვის.“ - აღნიშნა დავით ცირდავამ.

თაკო კვაჭანტირაძე