ევროკავშირის დიდი ხნის დაგვიანებული საბანკო კავშირის გეგმა ფინანსთა მინისტრებს სამშაბათს წარედგინა. ევროჯგუფის ხელმძღვანელმა, ირლანდიის ფინანსთა მინისტრმა პაშალ დონოჰემ სთხოვა თავის კოლეგებს განეხილათ დეპოზიტების დაზღვევის სქემის ევროკავშირის ძირითადი პრინციპები.

მისი ამოქმედების შემთხვევაში, ეს იქნება უკანასკნელი რიგ ღონისძიებებიდან, რომლებიც ძალაში შევიდა 2008 წლის ფინანსური კრიზისის შემდეგ, რომლის მიზანია ევროპის უმსხვილესი კრედიტორების ზედამხედველობა ევროპის ცენტრალურ ბანკს გადასცეს.

„მრავალი წლის ინტენსიური დისკუსიის შემდეგ, ჩვენ ახლა კარგად ვიცით ერთმანეთის შეხედულებები და მე კომპრომისზე წამოვედი”, - განუცხადა დონოჰემ ჟურნალისტებს 27 მინისტრის შეხვედრის შემდეგ.

თუ მიღებული იქნება, რეფორმა მნიშვნელოვანი გარღვევა იქნება უფრო ღრმა ევროპული ერთიანობის შესაქმნელად.

ჩრდილოეთის ქვეყნებს, როგორიცაა გერმანია, დიდი ხანია არ სურთ ამ სქემის მიღება, იმის შიშით, რომ მათ ფინანსურად ნაკლებად გონივრული მეზობლების გადასახადების გადახდა მოუწევდათ. ასევე, მოსალოდნელია, რომ დიდი დავალიანებების მქონე იტალიაც წინააღმდეგობას გაუწევს რეფორმას.

ჩიხიდან გამოსასვლელად, დონოოე მინისტრებს სთხოვს განიხილონ ორფაზიანი გზა სქემისკენ, რომელიც გაგრძელდება წლების განმავლობაში.

ამჟამად ევროპელი მეანაბრეები დაზღვეული არიან 100 000 ევრომდე, ევროკავშირის ეროვნული მთავრობების დაფინანსებით. მაგრამ ევროკავშირის ბევრი ქვეყანა დაუცველია ფინანსური შოკების მიმართ, როგორიცაა ირლანდია, ესპანეთი ან საბერძნეთი Lehman Brothers-ის კრიზისის დროს, რომელიც 2008 წელს დაიწყო.

სამშაბათს გეგმის ოფიციალური მოსმენის შემდეგ, ევროკავშირის მინისტრები, სავარაუდოდ, ივნისში გამართულ შეხვედრაზე უკვე დეტალებზე იმსჯელებენ.

თუ ნებას მისცემს, ევროკომისია წლის ბოლომდე შეიმუშავებს სამართლებრივ წინადადებას, რომელიც ასევე საჭიროებს ევროპარლამენტის დამტკიცებას.

BARRONS.COM