ევროკავშირის ქვეყნების ენერგეტიკის მინისტრები გაზის ტარიფზე ლიმიტის  დაწესებას სამშაბათს 25 ოქტომბერს განიხილავენ, თუმცა საბოლოო გადაწყვეტილება რამდენიმე კვირაში იქნება ცნობილი - ამის შესახებ ინფორმაციას გამოცემა Reuters ავრცელებს.

ევროპა ენერგომატარებლებზე მაღალი ფასების დათრგუნვისთვის მას  შემდეგ იბრძვის, რაც  რუსეთმა უკრაინაში შეჭრის შემდეგ ევროპას გაზის  მიწოდება შეუწყვიტა. აღსანიშნავია, რომ აგვისტოში ევროპაში ელექტროენერგიის ფასმა რეკორდულ მაჩვენებელს მიაღწია.

ლუქსემბურგში შეხვედრის დროს მინისტრები ტარიფზე ლიმიტის დაწესების სამართლებრივ გზებს განიხილავენ, ასევე  ისაუბრებენ ამ გადაწყვეტილების  შესაძლო ნაკლოვანებებზეც.

აღსანიშნავია ისიც, რომ ბოლო დღეებში ზომიერი ამინდისა და  ქვეყნებში არსებული საცავების გამო გაზის ფასი დაეცა. ევროკავშირის ზოგიერთმა დიპლომატმა გამოთქვა მოსაზრება იმის შესახებ, რომ ამან შესაძლოა ხარჯების  შეზღუდვის იმპულსი  შეაფერხოს, თუმცა  დიპლომატების ნაწილი ამ მოსაზრებას არ იზიარებს და აცხადებს, რომ მაღალი ფასების შესაძლო მწვერვალისგან თავს დასაცავად ლიმიტი ჯერ  კიდევ საჭიროა, განსაკუთრებით მაშინ  როდესაც ზამთარი ახლოვდება.

გასულ კვირას ევროკომისიამ  ევროკავშირს  Title Transfer Facility (TTF)-ზე თანხმობა სთხოვა, რომელიც ფასების ზრდის შემთხვევაში გააქტიურდება, რაც ჰოლანდიური გაზის კერაზე სავაჭრო ფასის ლიმიტს გულისხმობს.

ევროკავშირის დიპლომატები აცხადებენ, რომ სამშაბათის მოლაპარაკებებმა შესაძლოა ამ  წინადადებას  მწვანე  შუქი  აუნთოს, თუმცა ზოგიერთო  ქვეყანა დამატებთ დეტალებს გზებს იმის შესახებ თუ როგორ იმუშავებს ფასების ლიმიტი.

საორიენტაციო ჰოლანდიური გაზის წინა თვის ორშაბათს მინიმუმ 93,35 ევრო/მგვტ/სთ - დ ივაჭრებოდა, რაც  ყველაზე დაბალი მაჩვენებელია, თუმცა 2021 წლის ივნისის  მაჩვენებელს  ბევრად  აღემატება.