2021 წელს, ევროკავშირში 3.1 მილიარდი ლიტრის ნაყინი იქნა წარმოებული, ეს მაჩვენებელი 4%-ით მეტია წინა წელთან შედარებით.
Eurostat-ის ინფორმაციით, ამავე პერიოდში, ევროკავშირის წევრმა ქვეყნებმა, ევროკავშირის არაწევრ ქვეყნებში 254 მილიონი კილოგრამი ნაყინის ექსპორტზე გატანა შეძლეს, ეს ყოველთვე კი, 850 მილიონი ევროს ეკვივალენტურია. მეორეს მხრივ, ნაყინის იმპორტი ევროკავშირის წევრ ქვეყნებში 71 მილიონ კილოგრამს შეადგენდა, რაც 192 მილიონი ევროს ღირებულებისაა.

გერმანია იყო ევროკავშირში ნაყინების ყველაზე დიდი მწარმოებელი ქვეყანა.

2021 წელს გერმანია, სხვა ევროკავშირის წევრ ქვეყნებთან შედარებით, პირველ ადგილზეა ნაყინების წარმოების კუთხით, გასულ წელს 614 მილიონი ლიტრი ნაყინი იქნა წარმოებული მხოლოდ გერმანიაში. შემდეგ მოდის საფრანგეთი (459 მილიონი ლიტრი) და იტალია (381 მილიონი ლიტრი).

ამას გარდა, გერმანიამ საშუალოდ ყველაზე იაფფასიანი ნაყინი აწარმოა ევროკავშირის ტერიტორიაზე, რომელიც 1.4 ევროს შეადგენდა თითო ლიტრზე. შემდეგ მოდიოდა საფრანგეთი 2 ევრო და იტალია 2.1 ევრო თითო ლიტრზე.

ნაყინების ტოპ ექსპორტიორი ქვეყანა: საფრანგეთი

საფრანგეთმა, 2021 წელს, ექსპორტზე 57 მილიონი კილოგრამი ნაყინი გაიტანა, აქედან 22% ევროკავშირის არაწევრ ქვეყნებზე მოდის. შემდეგი ექსპორტიორი ქვეყნები არიან: ნიდერლანდები (38 მილიონი კილოგრამი), იტალია (33 მილიონი კილოგრამი), გერმანია (24 მილიონი კილოგრამი) და ბელგია (23 მილიონი კილოგრამი).