ევროკავშირის ხელისუფლება შექმნის ახალ მარეგულირებელ ორგანოს AMLA, რომელსაც კრიპტო ბიზნესის უშუალო ზედამხედველობა დაევალება. ამის შესახებ ნათქვამია ფულის გათეთრების წინააღმდეგ ევროკავშირის მეექვსე დირექტივაში (AMLD6), - წერს The Block.
ევროკომისიამ შესაბამისი კანონპროექტი 2022 წლის 20 ივლისს წარადგინა, ხოლო მანამდე ევროსაბჭომ თავისი ვერსია გამოაქვეყნა.
ევროპარლამენტი AMLD6-ს აგვისტოს არდადეგების შემდეგ განიხილავს. როგორც კი ეს უკანასკნელი კანონპროექტის საკუთარ ვერსიას დაამტკიცებს, სამი ორგანო გამართავს მოლაპარაკებებს მისი საბოლოო ვერსიის შესათანხმებლად.
The Block მიიჩნევს, რომ AMLA-ს შექმნა, რომელიც AMLD6-ში ცენტრალურ ადგილს დაიკავებს, ყველაზე ნაკლები უთანხმოების საგანი გახდება. თუმცა მის შესაბამისი პერსონალით დაკომპლექტებას წლები დასჭირდება.
ევროსაბჭოსა და ევროკომისიის ვერსიებში, ფულის გათეთრების საწინააღმდეგოდ შექმნილი ორგანო პირდაპირ გააკონტროლებს მინიმუმ „მაღალი რისკის“ კრიპტო კომპანიებს.
„ევროკავშირის დონეზე არსებულ ორგანოს ექნება უფლება განახორციელოს უშუალო ზედამხედველობა გარკვეულ ფინანსურ ინსტიტუტებზე და არაპირდაპირი ზედამხედველობა/კოორდინაცია გაუწიოს სხვა მსგავს ორგანიზაციებს. ის ასევე შეასრულებს დამაკავშირებელ როლს არასაფინანსო სექტორის რეგულირებაში“, - განმარტავს The Block.
ზენაციონალური ორგანოს გაჩენა ევროკავშირისთვის დიდი წინგადადგმული ნაბიჯი იქნება, წერს The Block. წინა AMLD-ები, განსაკუთრებით 2015 და 2018 წლების, მეოთხე და მეხუთე, ადგენდნენ სტანდარტებს წევრი ქვეყნებისთვის გარკვეული მონაცემების შეგროვებისა და მოხსენებისთვის, როგორიცაა კორპორაციების ბენეფიციართა საკუთრება.
გენერირებული რეესტრები განსხვავებული რეგულაციების კარგი მაგალითია. იმ ქვეყნებს შორისაც კი, რომლებიც უზრუნველყოფენ უფასო წვდომას კორპორაციულ ინფორმაციაზე, მონაცემები მნიშვნელოვნად განსხვავდება.
კერძოდ, ასეთი გაუმჭირვალეობა აძლევდა Binance-ს საშუალებას რამდენიმე წლის განმავლობაში პოტენციური კლიენტებისთვის ეცნობებინა მალტის რეგულატორების მხრიდან კრიპტოვალუტის მომსახურებაზე ნებართვის არსებობის შესახებ.