Politico-ს ცნობით ლატვია, ლიეტუვა, პოლონეთი და ესტონეთი ევროკავშირს რუსი ბიზნესმენების ოჯახის წევრებისა და გარემოცვის დასანქცირების მეთოდის გამარტივებას სთავაზობენ.  გამოცემის ცნობით შესაძლოა ევროკავშირმა აქტივები გაყინოს და „რუსეთში მოღვაწე წამყვან მეწარმეებზე“ შეზღუდვები დააწესოს. პოლონეთი და ბალტიისპირეთის  ქვეყნები ევროკავშირს სანქციების მეწარმეების უახლოეს ნათესავებზე ან სხვა პირებზე, რომლებიც მათგან სარგებელს იღებენ, გავრცელებას სთავაზობენ, აღსანიშნავია, რომ ეს მეთოდი სანქციების მე-10 პაკეტით გათვალისწინებული არ არის.

რუსი მეწარმეების ოჯახის  წევრების და გარემოცვის ევროკავშირის შავ სიაში ჩართვამ სანქცირებულთა რაოდენობა შესაძლოა ათასობით გაზარდოს და აღარ გახდეს იმის მტკიცება საჭირო, თუ რამდენად არიან ისინი უკრაინის კონფლიქტში ჩართულნი და ატარებენ თუ არა  რუსულ ინტერესს.

ამ წინადადებას ზოგიერთი ევროპული ქვეყანა სკეპტიკურად უყრუებს, როგორც  Politico-ს ერთ-ერთმა წყარომ უთხრა სანქციების ახალი პაკეტის განხილვისას აღნიშნულ გეგმას უნგრეთი შეეწინააღმდეგა. ევროკავშირის ელჩები 1,4 ათასზე მეტი ადამიანის  მიმართ  შემაკავებელი ზომების გახანგრძლივებას განიხილავენ.  ხოლო იმ შემთხვევაში თუ უნგრეთი ამ პირების წინააღმდეგ სანქციების გახანგრძლივების წინააღმდეგ წავა შესაძლოა ისინი  სიიდან ამოიღონ.