ევროკომისიამ (EC) განაცხადა, რომ მის მიერ შესწავლილი საცალო ვებგვერდების დაახლოებით 40%-ი მანიპულირებს მომხმარებლებზე. ანგარიშის თანახმად, ევროკომისიამ 399 ონლაინ შოპინგის ვებგვერდი გაანალიზა და დაადგინა, რომ მათგან 148 შეიცავდა მინიმუმ ერთ მანიპულაციის ინსტრუმენტს, მათ შორის ყალბი ათვლის ქრონომეტრებს, ვებ ინტერფეისებს, რომლებიც შექმნილია მომხმარებლების შესყიდვებში, გამოწერაში ან სხვა არჩევანში მოსატყუებლად, ასევე მოიცავს ფარულ ინფორმაციას.
კომისიის მოხსენების თანახმად, ეს ინსტრუმენტები, „ხშირად უბიძგებს მომხმარებლებს არჩევანში, რომელიც შეიძლება მათთვის საუკეთესო ინტერესებში არ იყოს“. მათ ასევე მოიხსენიებენ, როგორც „ბნელ შაბლონებს“ (dark patterns).
ევროკომისარმა იუსტიციის საკითხებში დიდიე რეინდერსმა განაცხადა, რომ „ეს ქცევა აშკარად არასწორია და ეწინააღმდეგება მომხმარებელთა უფლებების დაცვას“. ჩინოვნიკმა ევროკავშირის ხელისუფლებებს მოუწოდა აღკვეთონ ეს პრაქტიკა.
„ამის პარალელურად, კომისია განიხილავს მომხმარებელთა დაცვის კანონმდებლობას, რომელიც მიზანშეწონილია ციფრული ეპოქისთვის, მათ შორის იმის შესაფასებლად, არის თუ არა დაფარული ბნელი შაბლონები“ - თქვა რეინდერსმა.