ევროკომისიამ (EC) 15 ქვეყანას, რომლებიც სასურსათო კრიზისის წინაშე დგანან, 210 მილიონი ევროს დახმარება გამოუყო. ამის შესახებ ევროკომისიის მიერ გავრცელებულ განცხადებაშია აღნიშნული.

„ბალიში G20-ის სამიტის წინ, ევროკომისია აძლიერებს მხარდაჭერას, რათა დაეხმაროს მათ, ვინც ყველაზე მეტად დაზარალდა მსოფლიოს მასშტაბით მზარდი სასურსათო უსაფრთხოების არარსებობის გამო. 210 მილიონი ევროს ახალი ჰუმანიტარული დახმარების პაკეტი მიეწოდება 15 ქვეყანას, რათა დააკმაყოფილოს მათი მზარდი საჭირდება“, - აღნიშნულია ინფორმაციაში.

დახმარებას მიიღებს მალი, ცენტრალური აფრიკის რესპუბლიკა, სირია, ლიბანი, ავღანეთი, ეთიოპია, ნიგერია, სამხრეთ სუდანი, სომალი, იემენი, ვენესუელა და სხვები.

როგორც ევროკომისიის მიერაა ხაზგასმული, ევროკავშირის ჯამური მხარდაჭერა გლობალური სასურსათო უსაფრთხოებისთვის 2020 წლიდან 2024 წლამდე პერიოდში 8 მილიარდ ევრომდე იქნება.