მას შემდეგ რაც რუსეთმა ევროპისკენ მიმავალი მთავარი გაზსადენი გათიშა, ორშაბათს 5 სექტემბერს ევრო 20 წლიან მინიმუმამდე დაეცა - ამის შესახებ ინფორმაციას გამოცემა financial times ავრცელებს. მათივე ინფორმაციით, რუსეთის გადაწყვეტილებამ გააძლიერა ენერგეტიკული კრიზი, რამაც რეგიონის ეკონომიკას დიდი დარტყმა მიაყენა.

ლონდონის ბირჟაზე ვალუტა 0,7 პროცენტით 0,988 დოლარამდე დაეცა, რაც  2002 წლის შემდეგ ყველაზე დაბალი მაჩვენებელია. ასევე ევროპული აქციების რეგიონული Stoxx 600 - ის  ინდექსი 1 პროცენტით დაეცა,  გერმანული Dax 1,7 პროცენტით, საფრანგეთის Cac 40 1,8 პროცენტით , ხოლო  ლონდონის FTSE 100 0,7 პროცენტით.

ენერგეტიკულ ბაზრებზე ჰოლანდიური TTF გაზის ფიუჩერსის ფასი 30%-ით გაიზარდა და  მგვტ/სთ-ზე 272 ევრო შეადგინა. ევროპული  ქვეყნები, მათ შორის შვედეთი და ფინეთი შაბათ-კვირას მთავრობის მიერ კომუნალური კომპანიების დაფინანსებისთვის იბრძოდნენ. ისინი ბირჟაზე მკვეთრად გაზრდილ მოთხოვნებს ებრძვიან და მათ  ასევე  გააფრთხილეს მთავრობის  წარმომადგენლები, რომ მათი  ჩარევის გარეშე საფრთხე  შესაძლოა  ფინანსურ  სისტემას დაემუქროს

რუსეთის გადაწყვეტილების შემდეგ ევროს ფასი  ეცემა

გაერთიანებული სამეფოს ენერგეტიკული სექტორის თქმით,  ელექტროენერგიის გენერატორებს შეიძლება მთავრობის მხარდაჭერა დასჭირდეს. აქვე აღსანიშნავია, რომ ბოლო ვაჭრობაში სტერლინგი 0,3 პროცენტით დაეცა  და 1,1476 დოლარი შეადგინა.

კვირის არასტაბილური დასაწყისი მას შემდეგ მოხდა, რაც რუსეთმა განუსაზღვრელი ვადით შეაჩერა ბუნებრივი აირის ნაკადები Nord Stream 1 მილსადენზე, რაც კიდევ უფრო აფერხებდა ევროპის ენერგომომარაგებას.