მეცხვარეთა ასოციაციის ხელმძღვანელი ბექა გონაშვილი სოციალურ ქსელში პარლამენტის მიერ ე.წ. აგენტების კანონპროექტის პირველი მოსმენით მიღებას ეხმაურება. მისი თქმით, ევროპა მისი არჩევანი და თვითმიზანი კი არაა, მისი და მისი თაობის ვალდებულებაა.
პოსტს უცვლელად გთავაზობთ:
„იმდენი საჭირო კანონი და რეგულაცია გვაქვს მისაღები და წლები ჭირდება ყველაფერს და არის უამრავი შეხვედრები ხოლმე, დღეს კი არა და გუშინ პარლამენტს კანონი მიუღია (პირველი მოსმენით) რომელიც სულ 2 კვირა არ იქნება რაც ”დღის სინათლეზე” გამოვიდა… გუშინ თუ კენჭისყრა იყო ვერც იფიქრებდა ადამიანი ვისაც შორი ახლო ურთიერთობა ჰქონია საპარლამენტო მუშაობასთან, 2-3 წელი იღებენ ხოლმე რაღაცებს!
ასე ცა მოწმენდილზე ასეთი დაძაბულობის შემოტანაა უკვე დანაშაული! ამ ქვეყანას დაწყნარება ჭირდებაო ვიძახით და რანაირად შეიძლება დაწყნარდეს ქვეყანა როცა პროვოკაციას აწყობ შენი მოსახლეობის შენ თვითონვე!
სულ რომ კარგი კანონი იყოს, ამის გაკეთება რა საჭირო იყო, თანაც ასეთი სპეციალური გამწვავებით?! გამოდიხარ და იძახი ევროპა ჩემი თვითმიზანი არააო, კაი შენი არაა მაგრამ ჩვენთვის ვისთვისაც არის და კონსტიტუციაში მიწერია გამოდის კონსტიტუციურ წესრიგს არღვევ?! მაშინ ეს არის ზუსტად დანაშაული!
მაგრამ მთელ ამ პროცესში ჩემთვის დანაშაულია სპეციალურად პროვოცირებული (და ამაში ნურავინ შემეკამათებით!) პროცესი, 2 კვირაში ყველასთან შეხვედრას ვერ მოასწრებ, ხალხთან კომუნიკაციას ვერ მოასწრებ და ვერ მოასწრებ ახსნას თუ ეს კანონი კარგია რომ გააგებინო, სხვა მხრივ მიიღებ ამ რეაქციას, იცი! და მაინც აკეთებ! მაშინ ნუ აბრალებ ნურავის, ნურც ნაცსა და ნურც NGO-ს პროვოკაციის მოწყობაში!!!
დღეს რო დავბრუნდები ქალაქს მეც გავალ აქციაზე და ისევ ჩემ შვილებთან ერთად! რადგან ამდენ სიბინძურეს ამ ქვეყანაში ამდენი წელი იმიტომ ვიტან რომ ამათ არ მინდა ამაზე საფიქრალი ჰქონდეთ, ისევე როგორც თქვენ შვილებს!
ჩემი არჩევანი კი არაა ევროპა ან თვითმიზანი, ჩემი და ჩემი თაობის ვალდებულებაა ევროპა!
პ.ს. ბებიათქვენისამ ერთი რომელიმემ მიწოდეთ ოდესმე უცხოური გავლენის აგენტი,“- წერს გონაშვილი.