ევროკავშირი მზადაა „დაარღვიოს ტაბუ“, რათა დაეხმაროს უკრაინას რუსეთის შეჭრის მოგერიებაში, რამაც საფრთხის წინაშე დააყენა უკრაინელების ეროვნული გადარჩენა. ამის შესახებ ევროკავშირის უმაღლესმა წარმომადგენელმა საგარეო საქმეთა და უსაფრთხოების პოლიტიკის საკითხებში, ჯოზეფ ბორელმა Der Standard-ს განუცხადა.
"საკუთარი თავის დასაცავად და რუსი აგრესორის მოსაგერიებლად, უკრაინას სჭირდება არა მხოლოდ პოლიტიკური და ფინანსური მხარდაჭერა. უპირველეს ყოვლისა, მას სჭირდება იარაღი და საბრძოლო მასალა, რადგან იარაღი უსარგებლოა ჭურვების გარეშე", - განაცხადა ევროკავშირის უმაღლესმა დიპლომატმა.
მან აღნიშნა, რომ რუსეთს ჭურვების მარაგი გაცილებით დიდი აქვს, ვიდრე უკრაინას და უკრაინელები ამ განსხვავებას სიცოცხლით იხდიან.
ბორელის თქმით, უკრაინის სუვერენიტეტის დაცვის იდეის მხარდაჭერისას, ევროკავშირს არ შეუძლია არ მისცეს უკრაინას ამ მიზნის მისაღწევი საშუალება.
”ევროკავშირმა აჩვენა, რომ ესმის, რაზეა საუბარი. და რომ ის მზად არის დაარღვიოს ტაბუ, საჭიროების შემთხვევაში. ერთი წლის წინ, ჩვენ დავაფინანსეთ ლეტალური სამხედრო ტექნიკის პირველი მიწოდება თავდასხმის მსხვერპლ ქვეყანაში. შემდეგ შემოდგომაზე დავიწყეთ უკრაინელი ჯარისკაცების წვრთნა ევროკავშირის დროშის ქვეშ ჩვენს მიწაზე და ახლა ჩვენ კიდევ ერთ დიდ ნაბიჯს ვდგამთ: ჩვენ ერთად ვმუშაობთ, რათა უკრაინას მივაწოდოთ საბრძოლო მასალა, რომელიც მას ასე სჭირდება“, - თქვა დიპლომატმა.
ბორელი
