წინაა 2 ყველაზე ცივი თვე და სწორედ ამ დროს, შესაძლოა, ევროპაში გაზსაცავების დაცარიელდეს.

2021-2022 წლების ენერგოკრიზისი ორმა ძირითადმა მიზეზმა გამოიწვია: პირველი იყო ევროპაში მზის და ქარის ელექტროსადგურების მიერ ენერგიის გენერაციის მკვეთრი შემცირება. აღმოჩნდა, რომ ქარის და მზის მიერ ენერგიის წარმოება არამდგრადი და არასტაბილურია. მეორე მიზეზი პირველთან პირდაპირ კავშირშია და ესაა ენერგეტიკის „გამწვანების“ გამო ევროპის მიერ საკუთარი გაზის მოპოვების შემცირება, ნახშირის და ატომური ელექტროსადგურების ნაწილის დახურვა ეკოლოგიური მოსაზრებებიდან გამომდინარე. სადღეისოდ წარმოიქმნა გაზის და ელექტროენერგიის დეფიციტი, რომლის აღმოფხვრის პერსპექტივები საკმაოდ ბუნდოვანია.

„გაუგებარია რის ხარჯზე შეიძლება გაზსაცავებში მარაგების საჭირო დონემდე შევსება რუსეთიდან, „ჩრდილოეთ ნაკადი-2“-ით გაზის დამატებითი მიწოდების გარეშე“ - განაცხადა საკონსულტაციო კომპანია Wood Mackenzie-ის ვიცე-პრეზიდენტმა მასიმო დი ოდოარდომ. მისი თქმით, ეს ერთად-ერთი გამოსავალია შექმნილი ვითარებიდან.

პარალელურად გაზის გაძვირება გრძელდება და კვლავ 1000 დოლარს გადააჭარბა.

„გაზპრომის“ ინფორმაციით, დეკემბრის ბოლოს ევროპამ თავისი მიწისქვეშა საცავებიდან ამ წელს დაგროვილი გაზის 41% დახარჯა. 21 და 22 დეკემბერს ამ მაჩვენებელმა აბსოლუტური რეკორდი მოხსნა - 700 მლნ. და 712 მლნ. კუბმეტრი შესაბამისად. 21 დეკემბერს ერთგვარი ისტორიული მოვლენა მოხდა - 1000 კუბური მეტრი გაზის ღირებულებამ 2000 დოლარს გადააჭარბა. ამას წინ უძღოდა „გაზპრომის“ მიერ სატრანზიტო გაზსადენის იამალი-ევროპას სიმძლავრეების დაჯავშნის შემცირება.

გაზის მიწოდების შემცირებას შეუძლია გააღრმაოს ენერგოკრიზისი ევროპაში. ექსპერტები აღნიშნავენ რომ, რუსეთს და უკრაინას შორის კონფლიქტის გამწვავების შემთხვევაში, განსაკუთრებით მაშინ, როდესაც „გაზპრომს“ გაზის თავისუფალი მოცულობები აკლია, ვითარება ევროკავშირის ენერგობაზარზე შესაძლოა კოლაფსამდე მივიდეს.

უკვე 2022 წლის დასაწყისში გაზის ფასმა შესაძლოა 3000 დოლარს გადააჭარბოს. ამავე დროს, გაზსადენი „ჩრდილოეთ ნაკადი-2“, რომელსაც ევროპაში 55 მლრდ. კუბური მეტრი გაზის მიწოდება შეუძლია, დღესაც გაჩერებულია და გერმანიის რეგულატორების მხრიდან სერტიფიცირებას ელოდება. მილსადენი „იამალი - ევროპა“ კი მომხმარებლებს წელიწადში 33 მლრდ.კუბურ მეტრ გაზს აწვდის.

თუ გაინტერესებთ, რა გავლენა აქვს ევროპის ენერგოკრიზისს საქართველოზე, სად არის გამოსავალი, რა პოლიტიკურ იარაღს ფლობს კრემლი და რამ შექმნა კრიზისი, იკითხეთ "კომერსანტი"

ავტორი: თენგიზ აბლოთია

წყარო: Bloomberg