ევროკავშირის ბაზრებზე უკრაინის უბაჟო წვდომამ გამოიწვია მარცვლეულის სიჭარბე მეზობელ ქვეყნებში და მასზე ფასები განახევრდა. Financial Times-ის ცნობით, ეს ძირს უთხრის სოფლის მეურნეობის სექტორს და იწვევს ადგილობრივი ფერმერების უკმაყოფილებას, მიუხედავად ბრიუსელის გადაწყვეტილებისა მათზე კომპენსაციის გაცემის შესახებ.
იაფმა უკრაინულმა მარცვლეულმა შეარყია ადგილობრივი მწარმოებლების პოზიცია, განსაკუთრებით რუმინეთსა და პოლონეთში.
„უკრაინიდან შემოსული მარცვლეულის ტრანზიტით ყველაზე მეტად რუმინეთში ფერმერები ზარალდებიან. მათ აქვთ შარშანდელი გაუყიდავი ხორბლის მარაგი... სამი თვე გვაქვს დარჩენილი და ტრანზიტის პრობლემების გამო შარშანდელი მოსავალი ვერ გავყიდეთ“, - თქვა რუმინელმა ფერმერმა.
გასულ კვირას, ევროკომისიამ შესთავაზა მთავრობებს, რომ დაზარალებული ევროკავშირის ფერმერებს მიეღოთ სულ 56.3 მილიონი ევრო, უკრაინიდან მარცვლეულის იმპორტით გამოწვეული ზემოქმედების შესამცირებლად. ყველაზე მცირე თანხას რუმინეთი მიიღებს 10 მილიონი ევროს, ხოლო პოლონეთი 29,5 მილიონ ევროს და ბულგარეთს 16,7 მილიონ ევროს.
თავის მხრივ, რუმინეთის პრეზიდენტმა კლაუს იოჰანისმა დაადანაშაულა ევროკომისია „უზარმაზარი მსხვერპლის“ იგნორირებაში, რომელიც გაიღო მისმა ქვეყანამ კიევის მარცვლეულის მსოფლიო ბაზრებზე ექსპორტის გასაადვილებლად და სთხოვა ბრიუსელს კომპენსაციის გაზრდა.
მეტი თანხა მოითხოვა პოლონეთის პრემიერ მინისტრმა მატეუშ მორავიეცკიმაც, რომელმაც ბრიუსელის შეთავაზებაა „არაადეკვატური“ უწოდა. პოლონეთში იმპორტმა გამოიწვია ადგილობრივი საქონლის ფასების შემცირება. თუ შარშან ტონა მარცვლეული დაახლოებით 1500 ზლოტი (დაახლოებით 350 დოლარი) ღირდა, ახლა ფასი 750 ზლოტიმდე (დაახლოებით 174 დოლარი) დაეცა.